Тұрақты даму мақсаттарын қолдау мақсатында қайырымдылық жәрмеңкесі өтті

2024 жылдың 31 қазанында сағат 10:30-дан 14:00-ге дейін «Мемлекеттік және жергілікті басқару» білім беру бағдарламасының қазақ бөлімі 3-курс студенттері халықтың әлеуметтік осал топтарына қолдау көрсету мақсатында қайырымдылық жәрмеңкесін ұйымдастырды. Іс-шара БҰҰ Тұрақты даму мақсаттарының, оның ішінде №1 «Кедейлікті жою» және №10 «Теңсіздікті азайту» мақсаттарын іске асыруға арналды.

Жәрмеңкеде студенттер тәтті тоқаштар, құймақ, сусындар мен жеміс-жидектерді ұсынды. Сондай-ақ, өнерлі студенттер танымал әндерді орындап, көтеріңкі көңіл күй сыйлады. Қатысушылар жәрмеңкеде жақсы уақыт өткізіп, қайырымдылықты қолдау мүмкіндігіне ие болды.

Шара өтуіне жауапты оқытушылар: «Менеджмент» кафедрасының аға оқытушылары Жайназар Ә.Ж., Унербаева Р.У.

Барлық қатысушылар мен қонақтарға шын жүректен алғыс айтамыз! Сіздердің қолдауларыңыз тең мүмкіндіктер жасауға және көптеген адамдардың өмір сапасын жақсартуға үлес қосады.