Ғұмырын ғылымға арнаған жан

Бар ғұмырын білім мен ғылымға арнаған ғалым Наргүл Өмір­бекова 70 жасқа толды. Ол Қазақ­стан­дағы өсімдіктер генетикасы мен селек­циясы сала­сы­ның дамуына айтар­лықтай үлес қосқан көрнекті ғалым. 

Наргүл Жаппарқызы Мо­ле­ку­ла­лық биология және генетика ка­федрасында 30 жылдан астам уақыт жемісті еңбек етіп келеді. Оның же­тек­шілігімен өсімдіктер ге­­нетикасының жаңа бағыты қа­лыптасып, еліміздегі ғы­лы­ми зерт­теу­лерге зор ықпал етті.

Ғалымның ғылыми-зерт­теу жұ­мыстары халық­ара­лық деңгейде кеңінен та­ны­лып, оның нәтижелері көп­теген халықаралық кон­фе­рен­циялар мен конгрес­тер­де баян­дал­ды. Наргүл Жаппарқызы терең білімі мен тәжірибесі арқасында еліміздің жетекші ғалым­да­ры қа­та­рынан орын алады. Профессор Өмірбекованың ғылыми-педа­го­ги­калық қыз­меті жоғары баға­ла­нып, 2016 жылы «ҚР үздік оқыту­шы­сы» атағын иеленді. Со­нымен қатар ұстаз еңбегін кеудесіне тақ­қан «Ерен ең­бегі үшін» медалі, «Әл-Фа­ра­би» күміс медалі айшық­тай­ды. Наргүл Өмірбекова ҚР Ғы­лым және жоғары бі­лім минис­тр­лігінің «Құрмет грамотасымен» ма­ра­пат­тал­ған.

Наргүл Жаппарқызының есімі ғылым саласында ғана танымал емес, әріптестері мен шәкірттері арасында да зор құрметке ие. Оның адам­гершілігі, жоғары кәсі­би біліктілігі және табан­ды­лы­ғы ұжым мүшелері ара­сын­да үлкен сенім тудырып, айналасына ерек­ше әсер береді. Университет ұжы­мы профессор Наргүл Жап­пар­қы­зының 70 жасқа толған ме­рейтойымен құттық­тай­ды. Ғалым-ұстазға мық­ты ден­саулық, шығармашылық та­быс және отбасына аман­дық ті­лейді. Оның еңбектері мен ғылыми жетістіктері елі­міздің ғылымына қос­қан үлкен үлес болып қала бер­мек.

 Жазира ЖҮНІСБАЕВА, Молекулалық биология және генетика кафедрасының меңгерушісі, б.ғ.к.

Ақерке СЕРБАЕВА,

аға оқытушы