Тарих факультетінің түлегі «Кабжанова Тұраш Кабжанқызы» атындағы атаулы шәкіртақы

23 қараша күні Қазақстан тарихы кафедрасының ұйымдастыруымен 1976 жылғы тарих факультетінің түлегі «Қабжанова Тұраш Қабжанқызы» атындағы атаулы студенттік шәкіртақының салтанатты табыстау рәсімі өткізілді. Стипендияны оқуда, шығармашылықта, ғылымда жоғары жетістіктерге жеткен және университет өміріне жеке үлес қосқан 6В02205 – Тарих білім беру бағдарламасының студенттері иеленді. 

Шәкіртақының жалпы көлемі 1,5 миллион теңгені құрайды. Бұл байқау білім мен ғылым жетістігі бар, қоғамдық белсенді студенттерге қолдау көрсетіп, олардың оқу жетістіктерін ынталандыруға бағытталған.

Шәкіртақының демеушісі – «Отбасы банк» АҚ Басқарма Төрағасының орынбасары Нұрлан Сағындықұлы Акшанов.

Ұйымдастырушы — Қазақстан тарихы кафедрасы.