«1-курс ТАЛАНТТАРЫ-2024» байқауының қортындысы

29 қараша күні «ӘЛ-ФАРАБИ» кітапханасында АРТ-орталығының ұйымдастыруымен «МЕНІҢ МАМАНДЫҒЫМ – МЕНІҢ БОЛАШАҒЫМ» 1 курс студенттері арасында  Жас таланттар байқауының ақтық сайысы өтті. Бір айға созылған байқауға он факультет қатысып, тек төртеуі финалға өтті. 

Бұл байқаудың мақсаттары мен міндеттері:

-           сан салалы өнер жарысында өздерін таныта білген талантты жастардың өнері арқылы жаңа Қазақстан жастарының ұлттық рухани өресенің кеңдігін мен биіктігін таныту;

-           жыл сайын студенттік көркемөнерпаздар  фестивалінің  жоғары деңгейге шығып, заманауи күрделі музыкалық-сахналық материалдарды игеру (мюзикл);

-           жастардың рухын көтеретін сан қырлы талантты бір арнаға тоғыстырып тұрған өнер әлемінің құдіретін студент жастар арасында кеңінен насихаттау;

-           ҚазҰУ студенттерінің адамгершілік құндылықтарын сақтау, олардың арасында ұлттық дәстүрлерді дәріптеу;

-           студенттердің өз жеке шығармашылығының қадірін білуі және ұжымдық шығармашылықтың маңыздылығын түсінуі.

            Қазылар алқасында ҚР мәдениет қайраткерлері мен танымал актерлар болды. Байқаудың қорытындысы бойынша жеңімпаздар дипломдармен және Әл-Фараби атындағы Қазақ ұлттық университеті Басқарма Төрағасы - Ректоры                                                     Ж.Қ. Түймебаев атынан қаржылай сыйлықтармен марапатталды.

            Орындар келесі бойынша бөлінді:

БАС ЖҮЛДЕ – география және табиғатты пайдалану факультеті

І ОРЫН – экономика және бизнес жоғары мектебі

ІІ орын – химия және химиялық технология факультеті

ІІІ орын – механика-математика факультеті