әл-Фараби атындағы ҚазҰУ-дың жас ғалымы, PhD докторы, халықаралық құқық кафедрасының аға оқытушысы Отыншиева Айдана Айтукызы кәсіптік бағдар беру үшін Алматы қаласы мен Алматы облысының мектептерінде 10-11 сынып оқушыларымен кездесті.

2024 жылдың 27-29 қараша аралығында БҰҰ-ның №4 - сапалы білім беру,  №16 - бейбітшілік, әділдік және тиімді институттар және №17 - тұрақты даму үшін серіктестік сынды тұрақты даму мақсаттарының аясында әл-Фараби атындағы ҚазҰУ-дың жас ғалымы, PhD докторы, халықаралық құқық кафедрасының аға оқытушысы Отыншиева Айдана Айтукызы кәсіптік бағдар беру үшін Алматы қаласы мен Алматы облысының мектептерінде 10-11 сынып оқушыларымен кездесті.


Айдана Айтукызы Алматы облысы, Талғар ауданы, Тұздыбастау ауылы, №13 пен №31 орта мектептерін, Алматы қаласы, Түрксіб ауданы, №198 жалпы білім беретін мектебі мен №211 мемлекеттік мектеп-гимназиясын, Алматы қаласы, Алмалы ауданындағы №147 гимназиясын қамтыды. Кәсіптік бағдар беру барысында оқушыларға халықаралық құқық мамандығының маңызы, ерекшеліктері, халықаралық заңгер деген кім, халықаралық құқық мамандығын бітірген түлектердің мүмкіндіктері, халықаралық құқықтың қамтитын құқық салалары сияқты мәселелер талқыланды. Сөз соңында халықаралық құқық мамандығына қызығушылық танытқан оқушыларға флаерлер таратылды.