ҚазҰУ ғалымы NVIDIA сертификаттарын алды

Әл-Фараби атындағы ҚазҰУ-дың ақпараттық технологиялар факультеті Компьютерлік ғылымдар кафедрасының аға оқытушысы Кенжебек Ержан маңызды жетістікке қол жеткізіп, NVIDIA Certified Instructor және University Ambassador сертификаттарына ие болды.

Бұл сертификаттар оған NVIDIA Deep Learning Institute (DLI) бағдарламалары бойынша воркшоптар өткізіп, академиялық қауымдастыққа арналған оқыту іс-шараларын ұйымдастыруға мүмкіндік береді.

University Ambassador мәртебесі заманауи технологиялар мен білім беру материалдарына қолжетімділікті қамтамасыз етіп, жасанды интеллект саласындағы озық білімдерді таратуға ықпал етеді.

Бұл бастама Қазақстан Республикасының Ғылым және жоғары білім министрлігі мен NVIDIA компаниясы арасындағы ынтымақтастық аясында жүзеге асырылуда. Бағдарлама аясында оқытушылар арнайы дайындықтан өтіп, DLI амбассадоры атану мүмкіндігіне ие болып, білім беру бағдарламаларының деңгейін арттыруға жағдай жасайды.

Мұндай жобалар арқылы Әл-Фараби атындағы ҚазҰУ цифрлық технологиялар мен болашақ мамандарды даярлау саласындағы көшбасшылық позициясын нығайтуда.

Әл-Фараби атындағы ҚазҰУ-дың Баспасөз қызметі