Бір-бірімізді интеллектуалдық деңгейде қолдаймыз

Қазақстан Республикасы Көр­­кемөнер академиясының пре­зидиумы атынан Әл-Фа­ра­би атындағы Қазақ ұлттық уни­вер­ситетінің 90 жылдық ме­рей­тойымен оқу ордасының басшылығын, қызметкерлер мен оқытушы-профессорлық құрамын, білім алып жатқан барша жастарды шын жүректен құттықтаймын!

Әл-Фараби атындағы ҚазҰУ – еліміздің маңдайалды оқу ор­ны. Алматының өте көрікті, та­биғаты әсем жерде орна­лас­қан. Таза ауа, жайқалған жасыл желек. Студенттердің білім алуы­на барлық жағдай жа­сал­ған. Менің ойымша, қара ша­ңы­рақ оқу ордасының мате­риал­дық-техникалық базасы өте мықты.

Соңғы жылдары ҚазҰУ мен ҚР Көркемөнер академия­сы­ның арасында тығыз қарым-қатынас орнады. Біз бұған аса қуаныштымыз. Фараби кітап­ха­насында менің жеке көрмем өтті. Одан кейін заманымыздың ақиық ақыны Олжас Сүлей­мен­овтің мерейтойына арналған Ақанаевтар отбасының көр­ме­сі қойылды. Бұл көрме «Ке­ре­мет» студенттерге қызмет көр­се­ту орталығында ұзақ уақыт тұр­ды. Сосын біздің ака­де­мияның алғашқы президенті Лаура Оразбекованы еске алу көрмесі ұйымдастырылды. Біз­дің тамаша досымыз, та­лант­ты суретші, тарихи арте­фак­ті­лер­мен жұмыс істеуге ерен еңбек сіңірген Қырым Ал­тын­бековтің көрмесі өтті. Біз­дің акаде­мия­ның мүшесі, Қа­зақ­станның ең­бек сіңірген қайраткері, та­ны­мал қылқалам шебері Жанұзақ Мүсәпірдің дә­ріс оқығанын бі­лемін. Айта бер­сек, өте көп жұмыс атқарылды.

Біз ҚазҰУ ұжымымен ин­тел­­лек­туалдық деңгейдегі іс-шараларда бір-бірімізді қол­дап, тығыз байланыс жасап келеміз. Әрдайым мәдени ал­ма­суларға, ортақ жо­баларды жасауға, көрме өт­кізуге қолдан келген көме­гі­мізді береміз. Сондықтан ҚазҰУ ұжымына зор шығар­ма­шы­лық табыс, мық­­ты ден­сау­лық тілейміз.

Амандос АҚАНАЕВ,

суретші, ҚР еңбек сіңірген қайраткері, ҚР Көркемөнер академиясының президенті