Мәулен ӘШІМБАЕВ, ҚР Парламенті Сенатының төрағасы:ҚазҰУ – ұлттық мақтанышымыз

Құрметті

Жансейіт Қансейітұлы!

Қадірлі университет ұжымы және студенттер!

Сіздерді Әл-Фараби атын­да­ғы Қазақ ұлттық универ­си­те­тінің 90 жылдық мерей­то­йы­­мен шын жүректен құт­­­­тық­­таймын!

Бұл оқу орны – қазақ бі­лі­мінің қара шаңырағы, ұлттық мақтанышымыз. Білім ордасы құрылған сәттен бастап елі­міз­дің адами капиталын дамытуға ше­шуші үлес қосып келеді.

Мемлекет басшысы Қасым-Жомарт Кемелұлы Тоқаев Ғы­лым ордасында сөйлеген сө­зін­де: «Біз көшке ілесетін емес, көшті бастайтын елдердің қа­тарында болуымыз керек. Бір сөзбен айтқанда, ғылыми әлеу­етімізді арттыру қажет», – деген болатын.

Осы мақсатты іске асыруда терең тарихы, бай тәжірибесі мен қалыптасқан дәстүрі бар ұлттық университеттің алатын орны ерекше. Себебі аталған оқу орны айтулы ғалымдардың талай буынына тәлім бергені белгілі. Олардың қатарында Кемел Ақышев, Манаш Қо­зы­баев, Зейнолла Қабдолов, Жа­байхан Әбділдин, сондай-ақ үз­дік физик-математик, хи­мик, инженерлер бар екені бар­шаға мәлім.

Әдебиетіміздің алыптары – Әбдіжәміл Нұрпейісов, Ол­жас Сүлейменов, Әбіш Кекіл­баев секілді қаламгерлер де осы білім ордасының қабыр­ға­сынан ұлт биігіне қанат қақты.

Бұл мерейтой – тек бір оқу ор­нының ғана емес, бүкіл елі­міздің ғылым мен білім са­ла­сындағы жетістіктерінің айқын көрінісі. Осы университеттің түлегі ретінде оқу ордасының жаңа белеске шығуын зор мақ­танышпен қабылдаймыз.

Осы мерейлі сәтте бар­ша­ңызға мықты денсаулық, бақ-береке және толайым табыс тілейміз.

Қазақ ұлттық универ­си­те­тінің мәртебесі биік, абыройы асқақ болсын!