Дін саласындағы серіктестік - Тұрақты дамудың негізгі кілті
2025 жылдың 7-ші ақпаны күні Дінтану және мәдениеттану кафедрасының аға оқытушылары С.М.Каупенбаева және Н. Мұқанның ұйымдастыруымен Философия және саясаттану факультетінің деканы, кафедраның тұрақты серіктестерінің бірі Жетісу облысының дін істері басқармасымен және «Дінтану» мамандығының 3 және 4 курс студенттерімен кездесу өткізілді. Кездесуге факультет деканы Б.Б. Мейрбаев, Жетісу облысының дін істері басқарма басшысы Жаңабай Сағыныш Асқарұлы, Жетісу облысы Дін саласындағы мәселелер зерттеу және оңалту орталығын директоры Казыкенов Дәулет Серікұлы, сонымен қатар кадрлар жөніндегі инспектор Аскарбекова Асем Тайтелеуовна қатысты. Дін саласындағы мәселелерді зерттеу және оңалту орталығын директоры Казыкенов Дәулет Серікұлы басқарманың бөлімшелері мен ондағы лауазымдардың миссиялары жайлы және жұмысқа алынатын кандидаттарға қойылатын талаптармен таныстырды. Дінтану мамандығының студенттері өздерінің кәсіби мүдделеріне сәйкес жұмыс берушілерден жұмысқа орналасу мүмкіндіктері мен мансаптық перспективалар бойынша сұрақтар қойды. Жұмыс берушілермен болған бұл кездесу кафедра үшін кәсіби байланыс орнатуға бағытталған маңызды іс-шара болды.
