«Әлеуметтік жұмыстың стандарттарын сақтауда супервизияның атқаратын ролі» тақырыбында лидерлік дәріс

19.02.2025 жылы сағ.11.00-де Әлеуметтік жұмыс мамандығының 2-3 курс  студенттеріне «Кәсіби әлеуметтік қызметкерлердің Ұлттық Альянсы» Республикалық қоғамдық бірлестігінің Алматы қаласы және Алматы облысы бойынша филиалының директоры, Алматы қалалық қоғамдық Кеңестің сарапшысы Абдыкалыкова Жанар Нурахметқызы «Әлеуметтік жұмыстың стандарттарын сақтауда супервизияның атқаратын ролі» тақырыбында лидерлік дәріс оқыды. 

Жас маманның кәсіби күюін алдын алуда супервизияның маңызы жоғары. Осы орайда ұйымдастырылып отырған дәрісте Жанар Нурахметқызы болашақ әлеуметтік жұмыс мамандарына супервизия институтының еліміздегі теориялық және практикалық проблемаларын баяндап берді.  Дәріскер сүйемелдеуші супервизияны ұйымдастыру тәжірибесімен бөлісіп, болашақ мамандармен практикалық жаттығу жүргізді. Дәріс соңында студенттер алған әсерлерімен бөлісіп, пікір алмасты.

Дәріс Тұрақты даму мақсаттарын жүзеге асыру аясында (ТДМ 4 - Сапалы білім беру) ұйымдастырылды. 

Ұйымдастырушылар: Арын Д.А., Кенжакимова Г.А., Сарыбаева И.С.