2024 жылғы 16 қыркүйекте 2023-2024 оқу жылы үшін сауалнама нәтижелерін талқылау өтті. Сауалнама барысында анықталған негізгі мәселелер қарастырылып, оқу үдерісін жақсарту жолдары ұсынылды. Студенттердің кері байланысы кафедраны одан әрі дамытуға басым бағыттарды айқындауға мүмкіндік берді.

Киберқауіпсіздік және криптология кафедрасы сауалнама нәтижелерін мұқият қарап, олардың негізінде келесі өзгерістер енгізілгенін хабарлайды:

1. Техникалық мамандықтар бойынша магистратура ережесіне сәйкес шетелдік ғылыми тағылымдамаға қойылатын талаптарда GPA шегі 3,75-тен 3,5-ке төмендетілді (Магистратура ережесі. 4.3.4-тармақ).
2. 2023-2024 оқу жылымен салыстырғанда өндірістік саладағы оқытушыларды тарту 10%-ға арттырылды.
3. Оқу пәндері мен өзіндік оқу үшін онлайн курстар (Coursera) және платформалар интеграцияланды.
4. Магистратура және докторантура білім беру бағдарламалары үшін Scopus және WoS базасында жарияланымдар бойынша жоғары көрсеткіштерге ие шетелдік профессорлар тартылды.

Сонымен қатар сауалнама барысында оқу сапасына жоғары баға берген студенттерге алғысымызды білдіреміз.