7M02326 Цифрлық қазақ тілі
Мақсат : Цифрлық кеңістіктегі қазақ тілді ақпаратты, мәтін деректерін талдау мен өңдеу саласындағы әдіс-тәсілдерді меңгерген лингвистерді дайындау.
Сипаттама
Осы білім беру бағдарламасы аясында сіз келесі Тұрақты даму мақсаттарына (ТДМ) қол жеткізуге бағытталған тақырыптарды зерттейтін боласыз:
4-мақсат: Сапалы білім. Бағдарлама қазақ тілін цифрлық ортада зерттеуге, тілдік деректерді талдауға және заманауи цифрлық әдістерді ғылыми-білім беру үдерісінде қолдануға қабілетті мамандар даярлауға бағытталған. Магистранттар цифрлық лингвистика, корпустық зерттеу және тілдік деректермен жұмыс істеудің заманауи әдістерін меңгереді.
9-мақсат: Индустрия, инновациялар және инфрақұрылым. Бағдарлама қазақ тілінің цифрлық инфрақұрылымын дамытуға бағытталған ғылыми және қолданбалы зерттеулерді қамтиды. Электрондық корпустар, цифрлық сөздіктер, тілдік деректер базасы, мәтінді автоматты өңдеу, табиғи тілді өңдеу және жасанды интеллект технологияларына негізделген қазақтілді цифрлық ресурстарды зерттеу мен әзірлеуге басымдық беріледі.
10-мақсат: Теңсіздікті азайту. Бағдарлама қазақ тілінің цифрлық кеңістіктегі қолжетімділігі мен қолданылу аясын кеңейтуге, қазақтілді цифрлық контент пен тілдік технологиялардың сапасы мен қолжетімділігін арттыруға бағытталған. Бұл қазақ тілін цифрлық ортада тең дәрежеде қолдануға мүмкіндік беретін ресурстар мен технологияларды дамытуға ықпал етеді.
Білім беру бағдарламасы
Цифрлық кеңістіктегі қазақ тілді ақпаратты, мәтін деректерін талдау мен өңдеу саласындағы әдіс-тәсілдерді меңгерген лингвистерді дайындау.
1. Білім алушылардың академиялық құзыреттіліктерінің талап етілетін деңгейін қамтамасыз ету, ғылыми зерттеулер жүргізу, білім алушы жастарды әлеуметтендіру;
2. Шет тілін ғылыми-зерттеу жұмыстарында, кәсіби қызметінде, қатысымда қолдану.
3. Компьютерлік лингвистиканы табиғи тілді талдау және өңдеу үшін пайдаланып, тілдік модельдердің түрлерін зерттеу.
4. Компьютерлік лексикография, электрондық сөздік түрлерін, ерекшеліктерін және оның даму бағыттарын бағалау.
5. Машиналық оқытудың теориялық негіздерін және жасанды интеллект әдістерін табиғи тілді өңдеуде қолдану.
6. Сөйлеуді тану және синтездеуде алгоритмдерді таңдау мен оңтайландырудың тиімді жолдарын үйрену.
7. Тілдік дерек, корпустардың, табиғи тілді автоматты өңдеу үшін қолданылатын жүйелердің сапасын талдау
8. Цифрлық филологияның негізгі бағыттарына және оны дамыту жолдарына зерттеу жүргізу.
9. Тілдік деректермен жұмыс істеуге бағдарламалаудың практикалық дағдыларын қалыптастыру.
10. Цифрлық өнімдерді жасау әдістері мен тілді қолдауға бағытталған жобаларды құруды үйрену.
11. Мәтінді автоматты талдау технологияларын зерттеу.
Магистратураның білім беру бағдарламалары
1) Бакалавриатты аяқтағаны жайлы диплом+ қосымшалары (түпнұсқасы)
2) Жеке куәлігі (түпнұсқа және көшірме -2 дана)
3) Сертификат КТ
4) Фото 3×4 – 6 дана
5) Шет тілін меңгергенін растайтын сертификат ( болған жағдайда)
6) 0/75у нысаны бойынша медициналық анықтама
Оқу жоспары
СЕМЕСТР 1
- Шетел тілі (кәсіби) — 5 ECTS
- Басқару психологиясы — 3 ECTS
- Ғылыми зерттеулерді ұйымдастыру және жоспарлау — 5 ECTS
- Цифрлық филологияның даму бағыттары — 5 ECTS
- Цифрлық қазақ тіліне кіріспе — 5 ECTS
- Қазақ тілі және жасанды интеллект — 5 ECTS
- Қазақ тілі лексикографиясы — 5 ECTS
- Қазақ тіліндегі сөйлеуді тану мен синтездеудің теориялық негіздері — 5 ECTS
- Ғылыми семинар — 1 ECTS
- Магистерлік диссертацияны орындау — 1 ECTS
СЕМЕСТР 2
- Ғылым тарихы мен философиясы — 3 ECTS
- Жоғары мектептің педагогикасы — 5 ECTS
- Педагогикалық практика — 4 ECTS
- Қазақ тілі және табиғи тілдік модельдер — 5 ECTS
- Қазақ тілді деректерді талдау — 5 ECTS
- Тілдік деректерді өңдеудегі бағдарламалау негіздері — 5 ECTS
- Тілдік технологиялардың математикалық негіздері — 5 ECTS
- Ғылыми семинар — 1 ECTS
- Магистерлік диссертацияны орындау — 2 ECTS
СЕМЕСТР 3
- Мәтінді филологиялық талдау — 5 ECTS
- Ұлттық корпустарға негізделген тілдік зерттеулер — 5 ECTS
- Қазақ тілді мәтінді автоматты талдау технологиялары — 5 ECTS
- Қазақ тілді мәтінді лингвостатистикалық талдау — 5 ECTS
- Қазақ тіліндегі сөз бөліктерін автоматты морфологиялық талдау және жинақтау — 5 ECTS
- Қазақ тілінде онлайн курс жасауға арналған технологиялар — 5 ECTS
- Қазақ тілін оқытудың цифрлық құралдарын әзірлеу — 5 ECTS
- Цифрлық қазақ тілін оқытудағы геймификация — 5 ECTS
- Магистерлік диссертацияны орындау — 1 ECTS
- Зерттеу практикасы — 4 ECTS
СЕМЕСТР 4
- Ғылыми семинар — 1 ECTS
- Магистерлік диссертацияны орындау — 10 ECTS
- Ғылыми тағылымдама — 3 ECTS
- Ғылыми журналдарда/ ғылыми-практикалық конференциялар материалдарындағы жарияланымдар — 4 ECTS
- Зерттеу практикасы — 4 ECTS
- Қорытынды аттестаттау — 8 ECTS