Орталық директоры – филология ғылымдарының докторы, профессор Ислам Жеменей.«Тұран-Иран» елдерінің тарихи-саяси, мәдени-әдеби байланыстарын зерттеп, зерделеу. Жазба деректерді тікелей түпнұсқадан аудару арқылы ұлттық-мемлекеттік мүддеге сай монографиялар, ұжымдық зерттеулер мен мақалалар жариялап, зерттеу жұмыстарын жүргізу.Еліміздегі, шетелдердегі ғылыми зерттеу орталықтары, жоғары оқу орындарымен пікір алмасу, ортақ зерттеу-ғылыми жобалар бойынша еңбектер жазу, семинарлар, дөңгелек үстелдер, конференциялар өткізіп тұру.Студенттер үшін: Қазақ тарихына қатысты ежелгі және ортағасырлық жазба деректерді қазақ тіліне аудару арқылы тәуелсіз ұлттық ғалымдарды жетілдіру жүзеге асады.Орталық зерттеулерін еліміздің университеттерінде тарих пен теориясы оқытылатын тарих, әдебиет және шығыстану, басқа да факультеттерде, арнайы курстар мен семинарларда, магистратурада, сондай-ақ тарих пәнін орта мектептерде оқытуда қолдануға мүмкіндік береді.Тарихи жазба деректерді түпнұсқадан қазақшалау тарихи құндылығымызға өзге ел ғалымдарының қортындыларына тәуелді болмай-ақ өзіміздің ұлттық-мемлекеттік мүддеге сай қарастыруға көмектеседі. Тәуелсіз, ұлттық ғалымдарлы даярлау және тарихи зерттеу институттары үшін шығыстану тіпті жаһантану ғылымының кеңістігінде ғылыми орнымызды анықтап алуға жол ашады.
Мақсаты - жазба деректерді тікелей түпнұсқадан қазақ тіліне аудару арқылы ұлттық-мемлекеттік мүддеге сай монографиялар, ұжымдық зерттеулер мен мақалалар жариялап, зерттеу жұмыстарын жүргізу.
Міндеттері:
- жазба деректерді тікелей түпнұқадан қазақшау;
- жазба деректерді тікелей түпнұсқадан аудару арқылы ұлттық-мемлекеттік мүддеге сай монографиялар, ұжымдық зерттеулер мен мақалалар жариялау;
- мүдделес дос елдердің ғалымдарымен ортақтаса үздіксіз семинарлар, дөңгелек үстелдер, конференциялар өткізу;
- ұлттық мамандар (магистрант, докторант) даярлау;
- еліміздегі, шетелдердегі ғылыми зерттеу орталықтары, жоғары оқу орындарына «Тұран-Иран» ғылыми – зерттеу орталығының жұмыс бағдарламасын таныстыру, олармен пікір алмасу, ортақ зерттеулер, ғылыми жобалар бойынша еңбектер жазу;
- «Тұран-Иран» елдерінің тарихи-саяси, мәдени-әдеби байланыстарын зерттеп, зерделеу.
Жеменей Ислам Ақмұратұлы
Шығыстанушы ғалым, «Тұран-Иран» ғылыми-зерттеу орталығының директоры.М.О. Әуезов атындағы Әдебиет және өнер институты, Ежелгі және ортағасырлық әдебиеті бөлімінің меңгерушісі, филология ғылымдарының докторы, Қазақстан мұсылмандар діни басқармасының ақылдастар алқасының мүшесі, Pen клуб мүшесі, Қазақстан жазушылар одағының мүшесі, ҚР мәдениет қайреткері.
Дүйсенбай Гүлжанат
«Тұран-Иран» ғылыми-зерттеу орталығының бас маманы, әлеуметтік ғылымдар магистрі.
