Әл-Фараби атындағы Қазақ ұлттық университетінде заманауи Smart Point баспа орталығы бар. 

Орталық озық технологиямен және көшіру қондырғыларымен жабдықталған. Заманауи безендірілген мекеме қызметтердің кең спектрін ұсынады. Бағалары да қолжетімді. Мұнда кез келген құжатты басып шығаруға, көшіруге, сканерлеуге, ламинаттауға, мәтінді теруге және басқа да көптеген қызметтерді алуға болады.

«Біз соңғы үлгідегі компьютерлер мен принтерлерді қолданамыз. Сондықтан біз жылдам әрі сапалы қызмет көрсетуге әрқашан дайынбыз. Келушілер үшін орталықта кофе мен түрлі тағамдар, әттілер де бар», - дейді орталық қызметкерлері.

Орталықтан университет белгісі бар кеңсе тауарлары мен имидждік өнімдерді сатып алу мүмкінді бар.

Бас корпусқа жақын орналасқан орталық студенттер мен ұстаздар үшін өте қолайлы. Сонымен қатар биылғы оқу жылында ҚазҰУ аумағында бірнеше асханалар, кафелер мен кофеханалар ашылды. Осылайша, университет білім алушы студенттердің, қызметкерлер мен оқытушылардың жайлылығы үшін барлық жағдайды жасайды.