Әл-Фараби атындағы Қазақ ұлттық университетінің Шығыстану факультетіне Ниигата университетінің (Жапония) профессоры Хидео Хасэгава ресми сапармен келді

Әл-Фараби атындағы Қазақ ұлттық университетіне Жапонияның Ниигата университеті, Ғылым және технология институтының профессоры Хидео Хасэгава ресми сапармен келді.

Кездесу барысында профессор Хасэгава Ниигата университетінің қызметімен таныстырып, Қазақстан азаматтарына арналған арнайы шәкіртақылық бағдарлама – Higher Agricultural Specialist Program for the Republic of Kazakhstan туралы презентация жасады. Аталған бағдарлама Жапония үкіметінің (MEXT) қолдауымен магистратура және докторантурада білім алуды көздейді.

Бағдарлама оқу ақысын толық өтеуді, ай сайынғы шәкіртақыны, жол шығындарын және студенттерге академиялық қолдауды қамтиды.

Профессор Ниигата университетінің ҚазҰУ-мен ынтымақтастықты кеңейтуге мүдделі екенін атап өтті, әсіресе ауыл шаруашылығы, экология, биотехнология және тұрақты даму салаларында бірлескен жұмысқа қызығушылық білдірді. Тараптар академиялық мобильділік мүмкіндіктерін және қазақстандық студенттердің университеттің ғылыми жобаларына қатысу перспективаларын талқылады.