Айқын

«КЕРЕМЕТ» ОРТАЛЫҒЫ – ИГІЛІК ОШАҒЫ 

Осы негізде «Қазақстан – 2020: болашаққа жол» Қазақстан Республикасы мемлекеттік жастар саясатының 2020 жылға арналған тұжырымдамасы бойынша жастардың білім алуы, денсаулық сақтау саласы, жұмысқа орналастыру, жастарға арналған әлеуметтiк инфрақұрылымдардың салынуы мен жастардың әлеуметтік маңызды қызметтермен қамтамасыз етілу тарапындағы елеулі ерен еңбектер республика, облыс, қала деңгейлерінде жүзеге асырылуда.

Жастардың әлеуметтік жағынан қам­­­тамасыз етілуін жақсарту мақ­са­тын­­да әл-Фараби атындағы Қазақ ұлт­тық уни­верситетінде «Керемет» сту­­д­ент­тер­ге қызмет көрсету ор­та­лығы университет рек­торы Ғалым­қайыр Мұтанұлының бас­тамасымен ашылған болатын. Ғы­лым мен тех­ни­каның дамыған зама­нын­да бұл ор­та­лық «Al-Farabi University Smart city» ин­новациялық жо­­­­басының іске асы­рылуының маңыз­ды құраушысы іс­петті. Орталықты әлемдік деңгейде кез­­­деспейтін, сту­дент­терге 500-ге жуық мультифункционалды қызмет­тер ұсынатын бірегей кешенді жоба деп айтуға да болады.

«Кереметте» оқу-ағартушылық, медициналық, әлеу­меттік-тұрмыстық және мәдени-де­малыс сияқты төрт негізгі бағыт бойы­нша қызметтер ұсынылады. Оқу-ағартушылық бағыт өзіне Тір­кеуші кеңсесі, Студенттік бөлім қыз­меті, Халықаралық академиялық ұт­қырлықты қамтамасыз ету секторы қыз­меті, Әскери-жұмылдыру бөлімі­нің қызметі, Паспорт үстелі бойынша қызметтер, Бухгалтерия, Бизнес және мансап орталығы қызметі, Халыққа қызмет көрсету орталығының мобил­ді­лік бөлімшесінің қызметтерін қам­ти­ды. Бұл қызметтер белгіленген уни­­верситеттік стандарттар негізінде жү­зеге асырылады. Ал медициналық ба­ғыт бойынша орталықта Қазақстан – Корей диагностикалық орталығы өз жұмысын атқаруда.

Диаг­нос­ти­ка­лық орталық жаңа, заманауи арнайы мамандандырылған медициналық құ­ралдармен жабдықталу арқылы білік­ті мамандармен жоғары сапалы ме­дициналық қызметтерін ұсынады. Со­нымен қатар мәдени-демалыстық ба­ғытта студенттерге арналған ки­нотеатр бар. Ал Алматы қаласының «1000 жыл­дыққа – 1000 қайырымды іс» жо­ба­сы­ның негізінде, «Кереметте» әлеу­мет­тік дүкен ашылған болатын. Әлеу­меттік дүкен студенттердің оқу мә­селе­лері­мен қатар, супермаркетте қажет азық-түлікпен қамтамасыз етілуіне, сұлу­лық салоны, кітап дүкені, кір жуатын орын, дәріхана, банк қызметтерін кеңінен пайдалануға мүмкіндік бе­реді. Студенттердің көңілінен ба­рынша шыққан орталықтағы сту­дент­тік кафені де ерекше атап өту ке­рек. Кафе кең ассортименттегі та­ғам­­дарымен, жанға жағымды атмос­фе­расымен, қолжетімді бағасымен тұтынушыларын барынша баураған. Осындай нысандарды қамтыған әлеу­меттік-тұрмыстық бағыт орталықтың ең басты бағыты бола отырып, жас ұр­пақтың әлеуметтік деңгейін ең жо­ғар­ғы деңгейде қамтамасыз ету, жо­ғары сапалы дәрежеде қызмет көрсету мақсатын алға қойған. Әлеуметтік дү­кен тек қана студенттерге ғана емес, жақын орналасқан аудандардағы зейнеткерлерге, көпбалалы отба­сы­ларға да қызмет көрсетіп келеді.  Орталық қызметтерінің игілігін сту­денттермен қатар, оқытушы-про­фессорлық құрам да көріп келеді.

Бар­лық бөлімдердің бір орталықта шо­ғырлануы негізінде «бір терезе» қа­ғидасы бойынша оқу-ағартушылық қыз­меттерімен қатар, күнделікті тұ­тыну өнімдерімен тұрақты түрде қам­тамасыз етілуінің жоғарғы деңгейде ұйым­дастырылуы студенттер мен уни­верситет қызметкерлерін қуан­туда. Алматы қаласындағы ҚазҰУ «қа­­лашығы» қаламызды көркейтіп отыр­ған орындардың бірі болса, «Ке­ремет» кешені «қалашықтың» сәніне сән, студенттік өміріне ерекше мән бер­ген нысан болып отыр.  «Керемет» студенттерге қызмет көр­сету орталығы – маңыздылығы жа­ғынан әлем бойынша кездеспейтін орталық, студенттерге ерекше ықы­ласпен қамқорлық жасай отырып, бірегей қызметтер кешенін ұсынады. Жас ұрпаққа елеулі көмек негізінде оқу-ағартушылық, мәдени-дема­лыс­тық, медициналық және әлеуметтік-тұр­мыстық қызметтер ұсынатын иг­і­лік ошағы.  Сайран БАЯНДИНОВА, «Керемет» студенттерге қызмет көрсету орталығының директоры