Мұхитты сақтау және ластануды болдырмау

2025 жылғы 29 қараша күні «Туризм» мамандығының студенттерімен БҰҰ-ның Тұрақты даму мақсаттарына сәйкес «Мұхитты сақтау және ластануды болдырмау» тақырыбында оқу іс-шарасы өткізілді. Іс-шараның мақсаты – дүниежүзілік мұхиттың ластану мәселесін түсіндіру, туризм саласының экологиялық жауапкершілігін арттыру және болашақ мамандарда табиғатты қорғау мәдениетін қалыптастыру болды.

Студенттер мұхиттың негізгі ластаушы көздері – пластикалық қалдықтар, мұнай төгінділері, химиялық заттар және шамадан тыс туризмнің салдары туралы мәлімет алды. Сонымен қатар, қатысушылар туризм индустриясы мен мемлекеттердің теңіз экожүйелерін қорғау үшін қандай шаралар қабылдай алатынын талқылады: экотуризмді дамыту, бір реттік пластиктен бас тарту, туристерге арналған ағартушылық бағдарламалар және халықаралық экологиялық бастамаларды қолдау.

Топтық жұмыс барысында студенттер нақты жағдайларды талдап, өз шешімдерін ұсынып, оларды қысқаша презентация түрінде қорғады. Іс-шара студенттердің экологиялық санасын арттыруға, сыни ойлау дағдыларын дамытуға және табиғи ресурстарды сақтауға бағытталған бастамаларға қатысуға ынталандыруға ықпал етті.

Іс-шара соңында студенттер табиғатты қорғауға және мұхиттың тазалығына арналған ән орындады. Бұл музыкалық композиция Жерді сақтау әр адамның табиғатқа құрметінен басталатынын еске салатын символдық сәт болды.