Су дипломатиясындағы жас ғалымдар: ынтымақтастық пен басқарудың жаңа буынын қалыптастыру

Екінші курс магистранты Фатима Хамзаева диссертация жазу тәжірибесі аясында, ғылыми жетекшісі Гүлнара Байқұшықованың басшылығымен «Water Diplomacy Simulation Lab: Cooperative Governance for Sustainable Futures» атты зерттеу бағытындағы воркшоп өткізді. Іс-шара әл-Фараби атындағы Қазақ ұлттық университетінің БҰҰ Ресурс орталығында ұйымдастырылды.

27 қарашада өткен интерактивті симуляцияда студенттер өзен бассейніне қатысты елдердің өкілдері рөлінде болып, ортақ су ресурстарына әділ қолжетімділікті талқылау мақсатында келіссөздер жүргізді. Воркшоп ТДМ 6 (Таза су және санитария), ТДМ 16 (Бейбітшілік, әділдік және мықты институттар), ТДМ 17 (Мақсаттар жолындағы серіктестік) қағидаттарының трансшекаралық су дипломатиясындағы қолданылуын айқын көрсетті.