«Сұңқар кубогы» жеңімпаздары анықталды
Ақтық мәреде 6 команда өнер көрсетті. Олар филология факультетінің «Таң қалмаңыз», механика-математика факультетінің «Мех-мат» құрамасы, физика-техникалық факультетінің «Физфак» құрамасы, заң факультетінің «Бәке, Мәке, Шәке», «Дарын түлектері және қосымша лига кезеңінен сүрінбей өтіп, финалға жолдама алған филология факультетінің «Филология» КВН командасы. Финалдық ойын 3 кезең бойынша өтті. Бірінші тур- сәлемдесу «Әр күніміз мереке», екінші тур - Биатлон, үшінші тур - «ҚазҰУ-ым жүрегімде» тақырыбында бір әуен аясында. Әдемі әзілдерімен талай команда өздерінің мықты дайындықтарын көрсетті.
Осалдары жарыстың алғашқы турларынан-ақ шығып жатты. Жарыс болғасын жеңімпаздары да анықталады. Сонымен, «Мистер КВН» номинациясымен филология факультетінен «Филология» КВН командасының капитаны Арьятов Қайрат және «Мисс КВН» номинациясымен филология факультетінің «Таң қалмаңыз» КВН командасының Садық Ақбота арнайы Broshkz ұсынған тәждермен марапатталды. Ал, «Үздік әзіл» номинациясымен механика-математика факультетінің «Мех-мат» құрамасы марапатталды. Ақтық сайыста ІІІ орынды механика-математика факультетінің «Мех-мат» құрамасы ие болып, Шарын шатқалына туристік жолдама алды және «Titan GYM» фитнес-орталығының ұсынған бір ай тегін курс сертификатын иеленді. Ал, ІІ орынды филология факультетінің «Таң қалмаңыз» КВН командасы ұтып, Қырғыз еліндегі "Ыстықкөл" көліне жолдама және Ерке Ибрагимнің сұлулық салонының серфтификатына ие болды. Биылғы «Сұңқар кубогы – 2016» КВН ойындарының чемпионы – Заң факультетінің «Бәке, Мәке, Шәке» КВН командасы болды. Чемпиондар кубокпен бірге жолдама ұтып алды. «Сұңқар кубогы» КВН ойындарының make-up artist Ерке Ибрагим, «Brosh» дүкендер желісі, «Madeni.kz» асханасы және «Titan GYM» фитнес орталығы демеушілік көрсетіп, жалынды жастарға ерекше көңіл-күй сыйлады.
Басқа жаңалықтар
