Инновациялық алгоритмдерді әзірлейтін мамандар қажет

Механика-математика факультетінің деканы Жоламан Бектемесов пен Математикалық және компьютерлік модельдеу кафедрасының оқыту­шы­лары Пуатье университетінің профессоры Фре­де­рик Рихардпен «Қолданбалы және есептеу мате­ма­тикасы» мамандығы бойынша бірлескен қос­дип­ломды магистрлік бағ­дарла­маны іске қосу мәселесін талқылау мақсатында кездесу өткізді.

Профессор француз әріп­тестерінің матема­ти­ка­лық ғылымдар сала­сын­да­ғы ынтымақтастықты да­мы­туға деген жоғары қы­зығушылығын атап өтті. Әңгіме барысында қазіргі әлемде, әсіресе жасанды интеллект саласында тех­но­логиялық прогресс қар­қын­ды дамып келе жат­қа­ны ай­тылды. Осыған бай­­ла­нысты терең мате­ма­ти­калық әдістер мен бағ­дар­ламалау дағдылары бар мамандарға деген қажет­ті­лік барған сайын өзекті болып келеді.

Жаңа бағдарлама күр­делі есептерді шешуде ин­но­вациялық алгоритмдерді әзірлеуге қабілетті ма­ман­дарды даярлауға ба­ғыт­талған. Сонымен қатар де­рек­терді өңдеудің және ма­тематикалық моде­ль­деу­дің заманауи әдістерін зерттеу өзекті болып са­на­лады. Пәнаралық тәсілдің маңыздылығына ерекше на­зар аударылды. Түлектер алған білімдерін инже­не­рия, IT, экономика және ғы­лыми зерттеулер сала­ла­рын­­да қолдана алады. Про­фессор бағдарламаның халықаралық оқыту стан­дарт­тарына сай дайын­да­латынын атап өтті. Кездесу барысында академиялық мо­бильділік пен бірлескен ғы­лыми жобалардың перс­пективалары талқыланды. Студенттер Қазақстанда да, Францияда да білім ала­ды деп күтілуде. Бұл олар­дың академиялық және кә­сіби көкжиегін кеңей­теді. Бағдарламаның не­гізгі мақ­саты – әлемдік ең­бек на­ры­ғында сұра­ныс­қа ие құ­зы­рет­ті­лік­терді да­мы­ту. Се­ріктестер бағ­дар­ла­ма­ны енгізу уни­вер­ситеттер ара­­сын­­да­ғы ғы­­­лыми бай­ла­нысты ны­ғай­туға ықпал ете­тініне се­німді.

Сонымен қатар кез­де­су­де академиялық пән­дер­дің мазмұнына ерекше на­зар аударылды. Цифрлық әдіс­тер, машиналық оқыту, оңтайландыру теориясы және математикалық мо­дель­деу сияқты негізгі пән­дер талқыланды. Про­фес­сор сондай-ақ мамандарды даяр­лаудың практикалық бағытын күшейту үшін үлкен деректерді талдау және есептеу геометриясы бойынша курстарды қо­суды ұсынды. Қатысу­шы­лар ал­дағы келіссөздерге және қажетті құжаттарды дайын­дау­ға дайын екенін білдірді. Кездесу со­ңын­да екі тарап та жобаның ма­ңыздылығын атап өтіп, бағ­дарламаның жақын ара­­да сәтті іске қосылуына үміт білдірді.

Сәуле МАУСЫМБЕКОВА,

Механика және математика кафедрасының меңгерушісі,

қауымдастырылған профессор