Инновациялық бағыттармен танысуға мүмкіндік

Шетел филологиясы және аударма ісі кафедрасының 3-курс студенті Самал Арманқызы Санкт-Петербург қала­сын­дағы Петр Великий атындағы политехникалық университеті ұйымдастырған «Инженерлік ғылымдар бойынша қысқы уни­вер­ситет» бағ­дар­ла­масының «Технолог» трегіне қатысып, білігін арт­тырып келді.

 Бұл бағдарлама заманауи тех­но­логиялар, цифрлық жүйелер және инновациялық бағыттармен танысуға, тәжірибе алмасуға әрі жаңа білім алуға мүмкіндік беретін көпсалалы оқу жобасы болды. Оқу барысында әр мемлекеттен жи­налған студенттер компью­тер­лік зертханаларда жұмыс істеп, цифрлық инжинирингтің негізгі қа­ғи­даларын, жасанды интел­лек­тінің мүмкіндігін және «ақылды өн­діріс» туралы жалпы түсінік­те­рін қалыптастырды. Сондай-ақ биз­нес-жобаларға қаржылық ре­сурстарды тиімді бөлу жолдарын үй­реніп, робототехника сала­сын­дағы заманауи технологиялармен де жете танысып шықты. Сту­дент­тер жобалық зертханаларда жа­сан­ды интеллектіні әртүрлі де­рек­тер үшін қолдану бойынша тә­жірибелік тапсырмалар орын­да­ды. Бағдарлама аясында өн­діріс үдерісімен байланысты зерт­ханаларға да экскурсиялар жа­сап, сол зертханалардың бірін­де металмен жұмыс істеудің не­гіз­гі кезеңдерін көріп қайтты. Осы­лайша технологиялық үде­ріс­тер­дің модельденуімен жетік та­нысты.

Қысқы университет аясында оқу бағдарламасымен қатар, түр­лі интерактивті іс-шаралар өтті: квиздер мен ойын форматындағы жарыстар ұйымдастырылып, бел­сен­ді қатысушыларға сыйлықтар табысталды. Сонымен бірге шет­елдік студенттерге кең көлемді мә­дени бағдарлама ұсынылды. Олар Эрмитаж, Юсупов сарайын, Фаберже мұражайын және Санкт-Петербургтің көрікті жерлеріне сая­хат жасады. Самал үшін бұл са­пар Санкт-Петербург қала­сы­ның ерекше атмосферасы, әсем сәулеті және бағдарламаның жо­ға­ры деңгейдегі ұйым­дасты­ры­луымен ерекше әсер қалдырды. 

Индира ӘЗІМБАЕВА,

Шетел филологиясы және аударма ісі кафедрасы меңгерушісінің ғылыми-инновациялық жұмыс және халықаралық байланыстар жөніндегі орынбасары