Дамудың жаңа бағыты айқындалды

ҒЫЛЫМИ ӘЛЕУЕТ ЖӘНЕ ЖАҺАНДЫҚ КЕҢІСТІККЕ ИНТЕГРАЦИЯ 

Жоғары оқу орнына дейінгі білім беру факультеті үшін жы­лан жылы ғылыми-зерттеу ба­ғы­тындағы айрықша табыс­та­ры­мен есте қалмақ. Уни­верситеттің әлемдік деңгейдегі зерттеу университетіне айналу стратегиясына сәйкес, фа­куль­тет оқытушылары мен ға­лым­дары жоғары көр­сет­кіш­тер­ге қол жеткізді. Атап айт­қанда жыл басынан бері халықаралық Scopus дерекқорында барлығы 19 ғылыми мақала жарияланды. Бұл көрсеткіштің сапалық дең­гейі­не тоқталсақ, жеті мақала әлемдік ғылыми қоғам­дас­тық­та мойындалған ең жоғары Q1 (First Quartile) санатындағы журналдарда жарық көрді. Бұл факультет ғалымдарының зерт­­теу жұмыстарының халық­аралық бәсекеге қабілеттілігін көрсетеді.

Факультет аясында алғаш рет GLOBAL SYNERGY атты жаңа ғылыми журналдың жа­рық көруі отандық ғылыми орта үшін елеулі оқиға болды. Бұл басылым жас зерттеушілер мен тәжірибелі ғалымдардың пікір алмасу алаңына айналды. Ғылымды қолданбалы саламен ұштастыру мақсатында биыл сегіз стартап жоба сәтті жүзеге асырылып, өндіріске немесе оқу үдерісіне енгізілді. Ғылыми қоржынды толтыру мақсатында факультет ұжымы тарапынан тағы жеті гранттық жоба әзір­ле­ніп, конкурстық іріктеуге жол­данды.

ЖАСТАР САЯСАТЫ ЖӘНЕ ӘЛЕУМЕТТІК ҚОЛДАУ 

Факультет басшылығы мен университет әкімшілігінің бас­ты назарында жас мамандарға жағдай жасау мәселесі тұр. Осы бағыттағы жемісті жұ­мыс­тың айқын дәлелі ретінде фа­куль­тетіміздің жас ғалымы Нұргүл Амангелдінің жетістігін мақтанышпен айта аламыз. Ол «Жас ғалым» ғылыми жобасын ұтып қана қоймай, ерен еңбегі үшін ҚР Ғылым және жоғары білім министрлігінің қолдауы­мен баспанаға (пәтер) ие бол­ды. Мұндай қолдау факуль­тет­тегі өзге де жас мамандарға үлкен серпін беріп, ғылымға деген құлшынысын арттырды. Сондай-ақ биыл алғаш рет факультет имиджін халық­ара­лық деңгейде насихаттайтын белсенділерге «Амбассадор» мәртебесі берілді. 

ИНФРАҚҰРЫЛЫМДЫ ЖАҢҒЫРТУ 

Биыл факультеттің ма­те­риал­дық-техникалық базасы түбегейлі жаңартылды. Бұл жұмыстар білім алушылар мен оқытушыларға қолайлы орта қалыптастыруға бағытталған:

1. Технологиялық жаб­дық­­­­талу. Аудиториялар соң­ғы үлгідегі компьютер­лермен жаб­­­­дықталып, оқу залдарын цифрландыру деңгейі артты. Му­­зыкалық аппаратуралар мен оқуға қажетті кейбір тех­ни­­калық құралдар толығымен жаңартылды.

 2. Оқу кабинеттері мен орталықтар. Тіл оқыту бағы­тын­­дағы көшбасшылықты сақ­тау үшін Language park ре­б­рен­­динг­тен өтіп, заманауи ди­зайн­дағы логотипке ауыс­ты­рылды.

 3. Сыртқы бейне және дизайн. Факультет өзіндік кор­­поративтік стилін қалып­тас­тырды. Стендтер мен ақ­па­раттық тақталар эстетикалық және функционалдық тұрғыдан жаңартылды. Оқу корпусы мен жатақханадағы мебельдер, үс­тел-жабдықтар толықтай жаңа үлгідегі жиһаздармен ал­мас­ты­рылды.

СТУДЕНТТІК ӨМІР ЖӘНЕ СПОРТТЫҚ ЖЕТІСТІКТЕР

Студенттердің әлеуметтік-тұр­мыстық жағдайы да на­зар­­дан тыс қалмады. Жатақ­ха­на­ның 3-қабаты толықтай жи­һазбен қамтамасыз етіліп, білім алушылар үшін жаңа үл­гі­дегі заманауи асхана ашыл­ды. Бұл студенттердің бос уа­қы­тын тиімді әрі жайлы өт­кізуіне мүмкіндік береді.

Спорт саласында да фа­куль­тет ұжымы белсенділік та­ныт­ты. Университеттің қысқы спартакиадасында факультет құрамасы тартысты бәсекеде 6-орынды иеленіп, салауатты өмір салтын ұстана­тын­дық­та­рын дәлелдеді. Сонымен қатар халықаралық аренада факуль­тет беделін асқақтатқан «Ха­лық­аралық әл-Фараби 2025» олимпиадасы жоғары ұйым­дас­тырушылық деңгейде өтті.

 Жоғары оқу орнына дейінгі бі­лім беру факультетінің 40 жыл­дық мерейтойына ар­налған Ашық есік күнін жоғары кә­сіби деңгейде ұйым­дас­ты­рып, іс-шара шеңберінде ар­дагер ұстаздармен кездесу өт­кізіліп, білім беру сала­сын­дағы дәстүр сабақтастығы насихатталды. Іс-шараға уни­вер­ситет әкімшілігі мен ар­дагер ұстаздар, Дүниежүзі қа­зақ­тары қауымдастығы Ал­маты филиалының төрағасы және бірқатар танымал тү­лек­тер қатысты.

Осы мерейтой аясындағы салтанатты іс-шарада:

– жоғары оқу орнына дейінгі білім беру факультетінің 40 жыл­дығына арналған мерей­той­лық жинақтың;

– Шетелдіктердің тілдік және жалпы білім беру дайын­ды­ғы кафедрасының 40 жыл­дық тарихына арналған жи­нақ­тың;

– Жоғары оқу орнына дейін­гі дайындық кафедрасының гу­манитарлық және жара­ты­лыс­тану бағыттары бойынша ҰБТ-ға дайындыққа арналған ұжымдық жинақтың тұсаукесер рәсімдері табысты өткізілді.

Сонымен қатар биыл Жаңа жыл мерекесі қарсаңында фа­культет ұжымы универ­си­те­тіміздің бастамаларын қолдай отырып, Алматы қаласындағы балалар үйінде өскелең ұр­пақтың өсіп-өркендеуіне үлес қосу үшін арнайы қайы­рым­дылық шарасын өткізді.

ҚОРЫТЫНДЫ 

Жыл қорытындысы бо­йын­­­ша факультет ұжымының бір­қа­тар мүшелері елеулі ең­бек­тері үшін мемлекеттік ма­ра­паттар, арнайы медальдар және алғыс хаттармен ма­ра­патталды. 2025 жылғы же­тіс­тіктер – бұл Әл-Фараби атын­да­ғы ҚазҰУ-дың жоғары оқу ор­нына дейінгі білім беру фа­культетінің жаңа дәуірдегі даму бағытын айқындайтын маңыз­ды белес. Білім мен ғылымды ұш­тастырған ұжым алдағы уа­қытта да биік асуларды ба­ғын­дыруды көздейді.

Қанат КЕЛДЕБЕКОВ,

ғылыми-инновациялық қызмет және халықаралық ынтымақтастық жөніндегі  декан орынбасары