Республика күніне орай өткен кураторлық сағат

Шетелдіктердің тілдік және жалпы білім беру дайындығы кафедрасының оқытушылары Республика күні қарсаңында өз топтарында кураторлық сағаттар өткізді.

Іс-шараның мақсаты – шетелдік студенттерге Қазақстан Республикасының тарихы, мемлекеттік мерекелердің маңызы мен тәуелсіздіктің құндылықтары туралы тереңірек түсінік қалыптастыру болды. Сонымен қатар Қазақстанның мемлекеттік рәміздері мен ел дамуына елеулі үлес қосқан тарихи тұлғалар жөнінде де мағыналы әңгімелер өрбіді.

Мұндай іс-шаралар шетелдік студенттердің қазақстандық мәдениет пен дәстүрге деген қызығушылығын арттыруға ықпал етеді.