ҚазҰУ-да «Фараби әлемі» конференциясы өтті

2016 жылдың 11-12 сәуірінде Әл-Фараби атындағы Қазақ Ұлттық университетінде студенттер мен жас ғалымдардың «Фараби әлемі» халықаралық ғылыми конференциясы өтті. Конференция жұмысына шығыстану факультетінің студенттері мен жас ғалымдары да белсене қатысты. Олар өздерінің шығыстану ғылымы саласындағы жұмыстарын конференция жұмысына ұсынды. Конференция жұмысы 5 секция бойынша жүргізілді.

-Бірінші секция: Шығыс елдерінің тарихы, экономикасы және саясаты;

-екінші секция: Шығыс тілі мен әдебиетінің өзекті мәселелері;

-үшінші секция: Шығыс елдерінің діні, мәдениеті, қоғамы;

-төртінші секция: Қазақстандағы және Шығыс елдеріндегі «Жасыл экономика» саясаты;

-бесінші секция: Қазақстан Республикасының сыртқы саясатындағы Шығыс елдері.

Конференция нәтижесінде қытайтану кафедрасының бірқатар студенттері жүлдегерлер мен жеңімпаздар қатарынан табылды. Атап айтар болсақ:

-бірінші секция бойынша 3 курс студенті Баймулдина А. 2 орын иеленді, 4 курс студенті Бейбіт А. «Өзекті тақырып» номинациясы бойынша марапатталды;

-екінші секция бойынша 2 курс студенті Сағидоллаева А. 2 орын, 2 курс студенті Бұрқан Б. 2 орын иеленді;

-төртінші секция бойынша 4 курс студенті Бейбіт А. 3 орын иеленді;

-бесінші секция бойынша 3 курс студенті Доспаев А. 2 орын, 3 курс студенті Илип А. 3 орын иеленді. Осы секция бойынша 1 курс магистранты А. Андреевтің жұмысы «Өзекті тақырып» номинациясы бойынша үздік деп танылды. 2 курс студенті Д.Естакованың жұмысы «Ерекше көзқарас» номинациясы бойынша, 1 курс студенті А.Ахметованың жұмысы «Белсенді қатысқаны үшін» номинациясы бойынша үздік деп танылды.

Бірқатар студенттер басқа факультеттердің конференция жұмысына қатысып, жүлделі орындарға ие болды. Мысалы, 1 курс студенті Усабай Д. және 3 курс студенті Ерден А. филология факультетінде «Кәсіби тіл-мемлекеттік тілдің тірегі» секциясына қатысып, сәйкесінше 1 және 3 орындарды иеленді.

Конференция жеңімпаздары мен жүлдегерлері дипломдармен және құнды сыйлықтармен марапатталды.