Төлеген Қожамқұлов - 70 жаста
Төлеген Қожамқұлов - 70 жаста. Вы находитесь: Главная » Жаңалықтар легі» Төлеген Қожамқұлов - 70 жаста Төлеген Қожамқұлов - 70 жаста 03.05.2016 17:39:31 Физика-математика ғылымдарының докторы, Қазақстанның еңбек сіңірген қайраткері Төлеген Қожамқұлов - 70 жаста. Ғалымның мерейтойы әл-Фараби атындағы Қазақ ұлттық университетінде кең ауқымда аталып өтті. "Парасат" және "Барыс" ордендерінің иегері саналы ғұмырын ғылымға арнады. Кафедра меңгеруші қызметінен университеттің ректоры лауазымына дейін көтерілген Төлеген Әбдісағиұлы жүздеген шәкірт тәрбиелеп, ондаған ғылым докторларын дайындап шығарды. Қожамқұлов 2003 жылы Италияның Болонья қаласындағы университеттердің Ұлы Хартиясына қол қойды. Сол арқылы ҚазҰУ Қазақстан мен Орталық Азиядағы тұңғыш ЖОО - Болоньялық үрдістің толыққұқықты қатысушысы болды. Бұл өз кезегінде еліміздегі жоғары мектептің заманауи әлемдік білім беру кеңістігіне тікелей интеграциялануына жол салды.Өмірін өнегелі іске арнаған ғалымның құрметіне орай өтіп жатқан ғылыми конференцияға қала әкімі Бауыржан Байбек арнайы келіп, Елбасының құттықтау жеделхатын жеткізді. "Ұлттық ғылым академиясының академигі атанып, талантты шәкірт тәрбиелеп, ғылыми мектеп қалыптастыруыңыз - үздіксіз ізденісіңіздің жемісі. Зерделі зерттеулеріңіз табыспен жалғаса берсін. Сізге зор денсаулық, отбасыңызға бақ, береке тілеймін. Қазақстан Республикасының Президенті Нұрсұлтан Назарбаев",- деді Алматы қаласының әкімі Бауыржан БАЙБЕК. ‹‹ Артқа Күн тақырыбы
Басқа жаңалықтар
