«Мектеп–ЖОО» коллаборативті ортасы жобасы аясында оқу және оқу-әдістемелік құралдарды табыстау

2026 жылғы 26 ақпанда филология факультетінде ИРН AP23489121 «Digital Humanities тұжырымдамасы аясында ғылыми жобаларды іске асыру: „Мектеп–ЖОО“ коллаборативті ортасы» ғылыми жобасы шеңберінде дайындалған оқу және оқу-әдістемелік құралдарды табыстау рәсімі өтті. Жоба Қазақстан Республикасы Ғылым және жоғары білім министрлігінің қолдауымен жүзеге асырылуда.

Факультет қоры мен орыс филологиясы және әлем әдебиеті кафедрасына келесі басылымдар тапсырылды:

– «Digital Humanities тұжырымдамасы аясындағы ғылыми жобалық қызметтің негіздері» (Бегалиева С.Б., Шмакова Е.С.);

–  «Ғылым неден басталады?» (Бегалиева С.Б., Оралбекова А.К.).

Құралдар білім алушылардың ғылыми-зерттеу, жобалық және цифрлық құзыреттерін қалыптастыруға, академиялық мәдениетті дамытуға және білім беру үдерісіне Digital Humanities құралдарын енгізуге бағытталған.

Басылымдар:

– филология факультетінің қорына – декан Б.У. Джолдасбековаға;

–  орыс филологиясы және әлем әдебиеті кафедрасына – кафедра меңгерушісі А.С. Демченкоға табысталды.

Табыстауды жоба жетекшісі С.Б. Бегалиева жүзеге асырды.

Қатысушылардың пікірлері

Филология факультетінің деканы Б.У. Джолдасбекова жаңа оқу құралдары студенттер мен оқытушылар үшін маңызды ресурс болатынын, орыс филологиясы саласындағы білім беру мүмкіндіктерін кеңейтетінін және зерттеу мен жобалау құзыреттерін дамытуға ықпал ететінін атап өтті.

Жоба жетекшісі С.Б. Бегалиева оқу құралдарын табыстау мектеп пен университеттің интеграциясына, студенттердің ғылыми жобалау дағдыларын дамытуға және Digital Humanities-тің заманауи тәсілдерін енгізуге ықпал ететінін айтты. Оның пікірінше, бұл материалдар білім алушылардың жаңа зерттеу бастамалары мен жобалық белсенділігін ынталандырады.

Жобаны жүзеге асыру «мектеп–ЖОО» форматындағы өзара ықпалдастықты нығайтып, студенттердің зерттеушілік белсенділігін дамытуға және гуманитарлық білім беруге заманауи цифрлық технологияларды енгізуге мүмкіндік береді.

Жоба жетекшісі С. Бегалиева