ҚазҰУ ғылыми жобаларын инновациялық жабдықтау: интерактивті тақталар зерттеулер тиімділігін арттыру және ТДМ 4 мақсаттарын жүзеге асыру үшін

Әл-Фараби атындағы Қазақ ұлттық университеті ғылыми жобаларды заманауи құрал-жабдықтармен қамтамасыз ету арқылы зерттеулердің тиімділігін арттыруда. Соңғы жылдары университет бірнеше интерактивті тақтаны сатып алып, оларды зерттеу топтарының үйлестіру жұмысы, деректерді визуализациялау және жобалық жұмыстың нәтижелілігін арттыру үшін қолдануда.

К.ф.-м.н., профессор Бейсен Н.А.-ның ғылыми жобасы (АП23490322) «Геометротермодинамика шеңберінде релятивистік компакт объектілердің термодинамикалық қасиеттерін зерттеу» (2024–2026 жж.) үшін интерактивті тақта сатып алынды. Бұл жабдық зерттеу топтарының үйлесімді жұмысын қамтамасыз етіп, нәтижелерді талдауды оңтайландырды.

Сондай-ақ, профессор Бейсен Н.А.-ның жобасы (AP14869876) «Аксиалды-симметриялық гравитациялық конфигурациялар» (2022–2025 жж.) аясында интерактивті тақта модельдерді талқылау және нәтижелерді визуализациялау үшін қолданылып, жобалық жұмыс сапасын арттырды.

2025 жылы интерактивті тақта д.ф.-м.н., профессор Абишев М.Е.-нің «Магнетарлардағы вакуумдық екіқабатты сыну және сызықты емес электродинамика» (AP26103097, 2025–2027 жж.) ғылыми жобасы үшін сатып алынды. Бұл құрал зерттеушілерге сандық эксперименттердің нәтижелерін көрнекі көрсетуге және ғылыми шешімдерді жедел қабылдауға мүмкіндік береді, әсіресе күрделі модельдерді талқылау кезінде.

Барлық осы бастамалар ТДМ 4 – «Сапалы білім» мақсатымен тікелей байланысты. Заманауи интерактивті құралдарды қолдану ғылыми зерттеулердің тиімділігін арттырып қана қоймай, студенттер мен жас ғалымдардың дағдыларын дамытуға мүмкіндік береді. Бұл болашақ мамандардың заманауи технологиялармен жұмыс істеу тәжірибесін, ғылыми талдау әдістерін және командалық зерттеулерді меңгеруіне жағдай жасайды.

Жаңа технологияларды оқу және ғылыми процессіне интеграциялау ҚазҰУ-дің әлемдік деңгейдегі ғылыми-білім беру орталығы ретіндегі позициясын күшейтеді. Интерактивті тақталар білім беру мен зерттеуді көрнекі етеді, инновациялық ойлауды дамытады және университеттің ғылым мен сапалы білімді қолдауын жалғастыратынын көрсетеді.