«Жаһандық өзгерістер жағдайындағы тұрақты экономикалық даму парадигмасы: сын-қатерлер, салдар, мүмкіндіктер» IV халықаралық ғылыми-тәжірибелік конференциясы

Әл-Фараби атындағы Қазақ ұлттық университеті

Экономика және бизнес жоғары мектебі,

Алматы, Қазақстан

7-8 сәуір 2026 жыл

АҚПАРАТТЫҚ ХАТ

Құрметті әріптестер!

         2026 жылғы 7–8 сәуірде Әл-Фараби атындағы Қазақ ұлттық университетінде Халықаралық Фараби форумы аясында V Халықаралық ғылыми-тәжірибелік конференция «Жаһандық өзгерістер жағдайындағы тұрақты экономикалық даму парадигмасы: сын-қатерлер, салдар, мүмкіндіктер» өтеді.

Конференция ұлттық технологиялық жаңғырту күн тәртібін ескере отырып ұйымдастырылады. Цифрландыру және жасанды интеллект жылы деп жарияланған 2026 жыл жағдайында экономикалық модельді трансформациялау, қаржы секторының цифрлық қайта құрылуы, корпоративтік басқаруға интеллектуалдық технологияларды енгізу және орнықты өсудің жаңа архитектурасын қалыптастыру мәселелері ерекше өзектілікке ие болып отыр.

Әл-Фараби атындағы Қазақ ұлттық университеті ғылым, инновация және ұлттық дамудың стратегиялық орталығы ретінде елдің экономикалық және қаржылық архитектурасындағы жүйелі трансформацияларды талқылауға арналған жоғары деңгейлі сараптамалық алаң қалыптастырады.

2026 жылы конференцияның негізгі мазмұны Industry 4.0, жасанды интеллект, цифрлық платформалар, қаржы секторының цифрлық трансформациясы, сондай-ақ тұрақты экономикалық даму модельдерін қалыптастыру мәселелеріне арналады.

Конференцияға қатысу үшін мақалаларды 2026 жылғы 27 наурызға дейін жолдауларыңызды сұраймыз. Мақалалар ағылшын, қазақ және орыс тілдерінде қабылданады. Қолжазбалар Конференцияның Ұйымдастыру комитеті белгілеген талаптарға сәйкес болуы тиіс. Барлық мақалалар рецензиялау рәсімінен өтеді. Қабылданған баяндамалар конференция материалдарының жинағына енгізіледі.

Пленарлық сессия қаржы институттары мен корпоративтік сектордың орнықты өсуге, цифрлық бәсекеге қабілеттілікке және Қазақстанның ұзақ мерзімді экономикалық дамуын қамтамасыз етудегі рөліне арналған стратегиялық пікірталас алаңына айналады.

Барлық ұйымдастырушылық мәселелер бойынша жауапты тұлға:

Экономика және бизнес жоғары мектебі деканының ғылыми-инновациялық жұмыс және халықаралық байланыстар жөніндегі орынбасары

Нұрғазы Шыңғыс Әскербекұлы

(жұмыс тел.: +7 727 377 33 33, ішкі: 1678, ұялы тел.: +7 778 332 21 99)

         Мақалалар келесі поштаға қабылданады: hsebconferences@gmail.com  немесе https://hseb-conferences.kz/kz/submission-guidelines  

         Мақаланың көлемі (атауы, авторлар туралы мәліметтер, аннотация, түйінді сөздер мен пайдаланылған әдебиеттерді қоспағанда) кемінде 3000 сөзден кем болмауы және 5000 сөзден аспауы керек. Әр мақала үшін авторлар саны үштен аспауы керек.

Баяндама мәтінінің қарпі: Times New Roman, қаріп өлшемі: 14 pt, жоларалық интервал: бір интервал; жиектері: сол жақ – 2 см, оң жақ – 2 см, жоғарғы және төменгі – 2 см; абзацтық шегініс – 1 см; туралау: ені бойынша.

Көрсетілген талаптарға сәйкес келмейтін, белгіленген мерзімнен кеш жіберілген немесе басқа электрондық поштаға жолданған материалдар қарастырылмайды.

Конференцияға қатысу жарнасы – 10 000 теңге және төмендегі реквизиттерге қабылданады:

Ұйымдастыру жарнасының төленгенін растайтын құжаттың көшірмесі JPEG (jpg) немесе PDF форматында hsebconferences@gmail.com электрондық поштасына жіберілуі тиіс.

Пленарлық және секциялық отырыстардың уақыты мен өткізу орны туралы ақпарат қосымша хабарланады.

Ақпараттық хат конференция 2026