GenAI және білім беру трансформациясы: әл-Фараби атындағы ҚазҰУ-да оқу пәндерін ауқымды редизайн жасау жұмыстары өтті

Әл-Фараби кітапханасында «PROFESSIONAL WEEK – 2026» аясында «Пересборка-2026: GenAI құралдарының көмегімен пәндерді редизайн жасау» атты инновациялық практикалық трек өз мәресіне жетті. Шараның модераторлары – Академиялық мәселелер жөніндегі проректор Алина Галеева мен Білім беру процесінің сапасын қамтамасыз ету басқармасының басшысы Әсел Мусинова. 200-ден астам оқытушыдан құралған 36 команда генеративті жасанды интеллект (GenAI) технологияларын қолдана отырып, силлабустарды, дәріс мәтіндерін және бағалау критерийлерін жаңарту бойынша қарқынды жұмыс жүргізді. Жұмыс барысында «Draft–Critique–Improve» циклі негізге алынып, цифрлық құралдардың көмегімен оқу материалдарының сапасы жаңа деңгейге көтерілді.

Бұл бастама БҰҰ-ның Тұрақты даму мақсаттарын (ТДМ) жүзеге асырудағы стратегиялық қадам болып табылады. Ол ең алдымен 4-ші мақсат – «Сапалы білім беру» қағидатына сай келеді: GenAI-ді енгізу оқытуды жекелендіруге және шетелдік студенттер үшін материалдарды бейімдеуге мүмкіндік береді. Сондай-ақ, трек 9-шы мақсат – «Инновациялар мен инфрақұрылым» аясында университеттің цифрлық экожүйесін дамытуға үлес қосады. Командалық жұмыс пен тәжірибе алмасу 17-ші мақсат – «Тұрақты даму жолындағы серіктестікке» толықтай сәйкес келеді. Нәтижесінде, 2026-2027 оқу жылына арналған академиялық адалдық талаптарына сай келетін жаңа буын оқу-әдістемелік кешендері дайындалды.