Жаңа Жібек жолының экономикалық әлеуеті сөз болды
Жаңа Жібек жолының экономикалық әлеуеті сөз болды. Әл-ФарабиатындағыҚазақҰлттықуниверситетінде «Жаңа Жібек Жолы экономикалық белдеуі» атты халықаралық ғылыми-практикалық конференция болып өтті, - деп хабарлайды Qamshy.kz. 2016 жылдың 19-20 мамыр аралығында Әл-ФарабиатындағыҚазақҰлттықуниверситеті шығыстану факультеті қытайтану кафедрасының ұйымдастыруымен Әл –Фараби ғылыми кітапханасында "ЖАҢА ЖІБЕК ЖОЛЫ ЭКОНОМИКАЛЫҚ БЕЛДЕУІ: " ЖІБЕК ЖОЛЫ БОЙЫНДАҒЫ МЕМЛЕКЕТТЕРДІҢ ЫНТЫМАҚТАСТЫҒЫ ЖӘНЕ ТҰРАҚТЫ ДАМУЫ" атты халықаралық ғылыми-практикалық конференция өз жұмысын бастады. Конференцияның мақсаты - Жібек жолы бойындағы мемлекеттердің ынтымақтастығын және тұрақты дамуын ілгерлету, «Жаңа жібек жолы экономикалық белдеуі» жобасы аясындағы ынтымақтастықтың қазіргі жағдайы, өзекті мәселелері және даму болашағын талқылау, халықаралық ғылыми зерттеу нәтижелерімен алмасу, мемлекеттер арасындағы достық пен ынтымақтастықты нығайту еді. Аталмыш конференция Алматы қаласындағы Қытай Халық Республикасы Бас Консулдығының қолдауымен ұйымдастырылды. Конференцияға Қытай Халық Республикасы, Ресейден келген белді ғалымдар – Чжан Цзянхуа (ҚХР, Пекин), Дейч Т.Л.(Ресей), Уаң Чжымин (ҚХР, Пекин), Вэй Чаохиң (АҚШ) Ли Син (ҚХР, Пекин), Вэй Лин (ҚХР, Пекин) және Қазақстандағы Халықаралық және аймақтық ынтымақтастықты зерттеу институтынан, Қазақстан Республикасы Президентінің жанындағы Қазақстан стратегиялық зерттеулер институтынан (ҚСЗИ), Сүлеймен Демирел атындағы университеттен, Р.Б. Сүлейменов атындағы Шығыстану институты т.б. ғылыми орталықтардан келген белді ғалымдар - Сұлтанов Б.Қ., Хафизова К.Ш., Байдаров Е.У., Сыроежкин К.Л., Мен Д.В., т.б. қатысты . Конференцияның пленарлық мәжілісінде ҚазҰУ бірінші проректоры М. Бүркітбаев мырза конференцияның ашылуымен құттықтап, Алматы қаласындағы Қытай Халық Республикасы Бас Консулды Чжан Вэй мырзаға аталған іс-шараны ұйымдастыруға ат салысқаны үшін университет басшылығы атынан алғыс білдірді. Сондай-ақ Қытай Халық Республикасы Бас Консулды Чжан Вэй мырза бүгінгі таңда елімізде жүргізіліп жатқан «Нұрлы Жол» бағдарламасы мен Қытайдың «Бір жол – бір белдеу» стратегиялық бағдарламасының өзектілігін көрсетіп, болашақта бұл екі жоба сабақтаса отырып, іске асса, үлкен жетістіктерге қол жеткізуі әбден мүмкін екендігін ата өтті. Аталмыш конференция модераторлары – Әл-Фараби атындағы ҚазҰУ шығыстану факультеі қытайтану кафедрасының меңгерушісі т.ғ.д., проф Н.Мұқаметханұлы және Пекин педагогикалық университеті тарих факультетінң профессоры Чжан Цзянхуа (ҚХР, Пекин) болды. Конференция барысында қытай ғалымдары «Жібек жолының экономикалық белдеуін» жобасы өңірдегі мемлекеттер арасындағы экономикалық, саяси және гуманитарлық салаларда жақын кешенді қарым-қатынас қалыптастыруға бағытталғанын, Қазақстан президенті Н.Ә. Назарбаев ұсынған «Нұрлы жол» бағдарламасы мен ҚХР төрағасы Си Цзинпиннің алға тартқан «Жаңа жібек жолы экономикалық белдеуі» бастамасы өзара сәйкестік тапқанын атап көрсетіп отырды. Жібек жолы экономикалық белдеуі – бұл Жібек жолы бойындағы мемлекеттерді экономикалық дамуға біріктіретін жаһандық бастамалардың бірі болып отырғанын сөз етті. Аталған тақырыптағы баяндама жасаған ғалымдар бұл мәселеге өз тараптарынан терең талдау жасап, өзіндік тұжырымдарымен жан-жақты таныстырып өтті. Баяндама соңы қызықты пікірталасқа ұласты.
Аида Кенжебаева Шығыстану факультеті қытайтану кафедрасының доценті «Қамшы» сілтейді
Басқа жаңалықтар
