Пусан медициналық денсаулық корпусының еріктілері ҚазҰУ-да

Пусан медициналық денсаулық корпусының еріктілері Қазақ ұлттық университетінің Қиыр Шығыс кафедрасы корейтану бөлімі мен медицина орталығының серіктестігі арқасында 2016 жылдың 4-6 маусымы аралығында Қазақстанда болды.

Қазақстан мен Корея арасындағы достық қарым-қатынастарды қолдау мақсатында және қазақстандықтарды , сонымен қатар шетелдік корейлердің денсаулықтарын нығайту мақсатында ұйымдастырылған бұл жоба әл-Фараби атындағы ҚазҰУ қалашығында орналасқан «Керемет» диагностикалық орталығында жүзеге асырылды. Волонтерлардың осы жобаны мінсіз өткізуіне Қиыр Шығыс кафедрасы корейтану бөлімі студенттерінің жоғары деңгейдегі аудармашылық дағдылары себеп болды. Бұл жоба екі ел арасындағы жыл сайынғы тәжірибе алмасуына үлес қоспақ.