Құрылтай – ел болашағына бағыт беретін тарихи таңдау

2026 жылғы 23 тамыз – Қазақстан Республикасы үшін маңызды тарихи күн. Елімізде алғаш рет жаңа бірпалаталы Парламент – Қазақстан Республикасы Құрылтайының депутаттарын сайлау өтті. Алдағы бес жылда Құрылтай депутаттарына елдің заңнамалық дамуының маңызды бағыттарын айқындауға қатысу міндеті жүктеледі.

Әл-Фараби атындағы Қазақ ұлттық университеті биология және биотехнология факультетінің молекулалық биология және генетика кафедрасының профессор-оқытушылар құрамы да дауыс беру үдерісіне белсенді қатысты.

Ел болашағы тек табиғи ресурстармен емес, ең алдымен адам капиталының сапасымен, ғылым мен білімнің дамуымен және жаңа технологияларды қалыптастыру қабілетімен айқындалады. Бүгінде молекулалық биология, генетика және биотехнология салаларындағы жетістіктер медицина, ауыл шаруашылығы, экология, азық-түлік қауіпсіздігі және фармацевтиканың дамуына тікелей ықпал етуде.

Осы орайда университеттің маңызды міндеті – ғылыми ойлайтын, жаңа идеяларды жүзеге асыра алатын және алған білімін қоғам игілігіне бағыттайтын мамандар даярлау. Молекулалық биология және генетика кафедрасы білім мен ғылыми зерттеуді сабақтастыра отырып, Қазақстанның ғылыми-инновациялық әлеуетін арттыруға өз үлесін қосып келеді.

Ғылымы дамыған ел – мүмкіндігі мол ел. Білімі терең ұрпақ – мемлекеттің басты капиталы. Ел болашағы бүгінгі білім мен ғылыми ізденістен басталады.

Молекулалық биология және генетика кафедрасы

#Құрылтай2026 #Қазақстан #ҚазҰУ #МолекулалықБиология #Генетика #Ғылым #Білім #Инновация #ЕлБолашағы #AlFarabiKazNU #ALAQuryltay