Шыңжаң Ұйғыр автономиялық ауданы Қаржы департаменті мен Шыңжаң банкінің Халықаралық департаменті делегациясы ҚазҰУ-дың Қазақ-қытай бірлескен зертханасының ғылыми жетістіктерімен танысты

2026 жылғы 9 қыркүйекте Шыңжаң-Ұйғыр автономиялық ауданынан келген делегация әл-Фараби атындағы Қазақ ұлттық университетінің «Қашықтан зондтау технологиялары және оларды қолдану» Қазақ-қытай бірлескен зертханасына барды.

Делегация құрамында Шыңжаң-Ұйғыр автономиялық ауданы Қаржы департаменті басшысының орынбасары Лю Янь, Халықаралық қаржы-экономикалық ынтымақтастық бөлімінің басшысының орынбасары Цзя Сяоцянь және Шыңжаң банкінің Халықаралық департаментінің менеджері Жэнь И болды.

Сапар барысында зертхана директоры Шокпарова Дана Қанатханқызы делегация мүшелеріне Жерді қашықтан зондтау, геоақпараттық жүйелер, ұшқышсыз авиациялық технологиялар және кеңістіктік деректерді өңдеу салаларында жүзеге асырылып жатқан негізгі ғылыми әзірлемелер мен технологиялық шешімдерді таныстырды. Спутниктік ақпаратты талдау әдістеріне, экологиялық мониторингте ГАЖ-технологияларын қолдануға, сондай-ақ цифрлық құралдарды ғылыми-зерттеу тәжірибесіне интеграциялауға ерекше назар аударылды.

Қонақтар зертхананың ғылыми-техникалық әлеуетіне қызығушылық танытып, Жерді қашықтан зондтау және цифрлық технологиялар саласындағы халықаралық ғылыми-технологиялық ынтымақтастықты дамытудың маңыздылығын атап өтті. Делегация өкілдері сондай-ақ бірлескен зертхананың қызмет нәтижелерін Шыңжаң-Ұйғыр автономиялық ауданының басшылығына және тиісті бейінді құрылымдарға Қазақстан мен Қытай арасындағы нәтижелі ғылыми-технологиялық ынтымақтастықтың оң үлгісі ретінде таныстыруға қызығушылық білдірді.

Сапар барысында тараптар екі ел арасындағы ғылыми-технологиялық байланыстарды нығайтуға бағытталған одан әрі өзара іс-қимыл мен бірлескен бастамаларды дамытудың перспективалылығын атап өтті.Сапар аясында тараптар Қазақстан мен Қытай арасындағы ғылыми-технологиялық ынтымақтастықты нығайтуға бағытталған бірлескен бастамаларды одан әрі дамыту мен өзара іс-қимылдың перспективалылығын атап өтті.