«Менің таңдауым» мастер-классы Астана қаласындағы ЖОО мен колледж психологтарын біріктірді

2026 жылғы 11 қыркүйекте Астана қаласында «Суицидтік мінез-құлықтың превенциясы: дәлелді тәсілдер және пәнаралық көмек модельдері» халықаралық ғылыми-практикалық конференциясы аясында «Менің таңдауым: қауіпті мінез-құлықтың профилактикасы және жастардың психологиялық әл-ауқатын нығайту» атты мастер-класс өтті.

Назарбаев Университетінде өткен мастер-классқа Астана қаласындағы ЖОО мен колледж психологтары қатысты. Оның негізіне әл-Фараби атындағы Қазақ ұлттық университетінде әзірленіп, 2023–2026 жылдары апробациядан өткен «Менің таңдауым» бағдарламасы алынды. Бағдарлама қауіпті мінез-құлық пен психикаға белсенді әсер ететін заттарды тұтынудың профилактикасына, күйзеліс пен шиеленістермен жұмыс істеуге, копинг-стратегияларды, өмірге төзімділік пен ассертивті мінез-құлықты дамытуға, сондай-ақ қиын жағдайдағы жастарға қолдау көрсетуге бағытталған.

Практикалық формат қатысушыларға бағдарлама жаттығуларымен танысуға және оларды студенттермен жұмыста қолдану мүмкіндіктерін талқылауға мүмкіндік берді. Қатысушыларға қазақ және орыс тілдеріндегі «Менің таңдауым» құралдары сыйға берілді.

Мастер-класс ҚазҰУ-дың психикалық денсаулық саласындағы мамандармен және үкіметтік емес ұйымдармен ынтымақтастығын жалғастырып, ғылыми әзірлемелер мен жастармен жүргізілетін практикалық профилактикалық жұмысты ұштастырады.

Мастер-класс жүргізушілері: әл-Фараби атындағы ҚазҰУ жалпы және қолданбалы психология кафедрасының зерттеуші-профессоры, психология ғылымдарының докторы Мадалиева Забира Бекешовна және осы кафедраның зерттеуші-доценті, психология ғылымдарының кандидаты Құдайбергенова Сандуғаш Қансаровна.

Ұйымдастырушылар: әл-Фараби атындағы ҚазҰУ философия және саясаттану факультетінің жалпы және қолданбалы психология кафедрасы, Республикалық психикалық денсаулық ғылыми-практикалық орталығы және «Partners in Health» ҮЕҰ қолдауымен.