Ұжымдық еріктілік компания стратегиясының элементі ретінде

20 қыркүйек күні сағат 15:00де әл-Фараби атындағы ҚазҰУ-да (Ғылыми кітапхана, 4-қабат) LG Electronics Almaty Kazakhstan-ның қолдауымен «Ұжымдық еріктілік компания стратегиясының элементі ретінде» атты дәріс өтеді.

LG компаниясының Ресейдегі және Қазақстандағы жетекші қызметкерлері: Ресейдегі LG Electronics компаниясының қоғаммен байланыс бойынша директоры, РФ қоғамдық палатасы жанындағы донорлық бойынша үйлестіру орталығының мүшесі Татьяна Шахнес пен LG Electronics Almaty Kazakhstan-ның маркетинг бойынша директоры Наталья Новикова студенттер мен оқытушыларға дәріс оқиды.

Дәріс жаһандық донор апталығы аясында ұйымдастырылып отыр. 26 қыркүйек күні ҚазҰУ, LG Electronics Almaty Kazakhstan мен Алматы қалалық қан орталығы Донор күнін өткізеді. Қан тапсырғысы келген әрбір ерікті 10.00 мен 16.00 аралығында «Керемет» студенттерге қызмет көрсету орталығына келіп, қан тапсыруына болады.