Қиыр Шығыс кафедрасында «Кітап оқу мәдениеті – рухани дамудың негізі» тақырыбында кураторлық сағат өтті.

Әл-Фараби атындағы Қазақ ұлттық университеті Шығыстану факультетінде «Кітап оқу мәдениеті – рухани дамудың негізі» тақырыбында кураторлық сағат өткізілді.

Іс-шараның негізгі мақсаты – студенттердің кітап оқуға деген қызығушылығын арттыру, оқу мәдениетін қалыптастыру және кітаптың тұлғалық әрі рухани дамудағы маңызын түсіндіру болды.

Кураторлық сағат барысында кітаптың адам дүниетанымын кеңейтудегі, сыни ойлау қабілетін дамытудағы және рухани құндылықтарды қалыптастырудағы рөлі талқыланды. Студенттер кітап оқудың маңызы туралы өз ойларымен бөлісіп, оқыған шығармалары жайында пікір алмасты. Сонымен қатар жастар арасында кітап оқу мәдениетін насихаттау және оқуды күнделікті өмір салтына айналдыру мәселелеріне назар аударылды.

Іс-шара барысында кітаптың білім көзі ғана емес, адамның рухани әлемін байытып, ой-өрісін кеңейтетін маңызды құрал екені атап өтілді. Кураторлық сағат студенттердің кітапқа деген қызығушылығын арттыруға, білімге құштарлығын нығайтуға және рухани дамуға ынталандыруға бағытталды.

Осындай тәрбиелік іс-шаралар жастардың зияткерлік әлеуетін арттырып, ұлттық және жалпыадамзаттық құндылықтарды құрметтейтін, жан-жақты дамыған тұлға болып қалыптасуына ықпал етеді.