«Менің болашақ қалам»: ТДМ 11 «Тұрақты қалалар мен елді мекендер» мақсатына жастардың қосар үлесі

2026 жылғы 12 қазанда Шығыстану факультетінде БҰҰ-ның Тұрақты даму мақсаттарының 11-мақсаты — «Тұрақты қалалар мен елді мекендер» аясында «Менің болашақ қалам» атты іс-шара өтті. Оның мақсаты — студенттердің тұрақты қала туралы түсінігін кеңейту, экологиялық санасын арттыру және қалалық ортаның болашағына жауапкершілікпен қарауға ынталандыру.

Іс-шараның басты назарында Алматы қаласының келешегі болды. Студенттер мегаполистің өзекті мәселелерін талқылап, қаланың алдағы 10–20 жылдағы дамуына қатысты өз көзқарастарын ұсынды.

Қатысушылар экологиялық қауіпсіздік, қоғамдық көлік, қалалық инфрақұрылым, жасыл аймақтарды сақтау және ресурстарды ұтымды пайдалану мәселелеріне ерекше назар аударды. Талқылау барысында тұрақты қаланы қалыптастыру үшін инновациялық шешімдермен қатар әр тұрғынның белсенді қатысуы маңызды екені атап өтілді.

Іс-шара соңында студенттер болашақ қаланың бейнесін көрсететін постерлер мен инфографикаларын таныстырды. Шығармашылық жұмыстар жастардың қала дамуына қатысты идеяларын көрнекі түрде жеткізуге мүмкіндік берді.

«Менің болашақ қалам» іс-шарасы ТДМ 11 қағидаттарын жастар арасында насихаттап, экологиялық мәдениет пен азаматтық жауапкершілікті дамытуға бағытталған маңызды білім беру бастамасы болды. Болашақ қаласының келбеті бүгінгі саналы шешімдер мен нақты әрекеттерден басталады.

Ұйымдастырушылар: орыс филологиясы және әлем әдебиеті кафедрасының оқытушылары Ж. Т. Абдуллаева және С. С. Қойлыбаева.