«Эко-мәдениет: cтуденттік көзқарас»

«Таза Қазақстан» ең алдымен айна­ланы тазартудан емес, адамның санасын өзгертуден басталуы керек. Қоқысты жи­науға шақырудан гөрі, қоқысты жерге тас­та­­мау мәдениетін қалыптастыру әлде­­қайда маңыз­ды. 

Осы орайда, универ­си­тетіміздің физика-тех­ни­калық факультетінің Жы­луфизика және техни­калық физика кафедра­сында «Техникалық фи­­зика» білім беру бағ­дар­ламасының 2-ші және 3-курс студенттерімен «Таза Қазақстан» жобасы аясында «Эко-мәдениет: студенттік көзқарас» атты ашық куратор сағаты өт­ті. Студенттер экология туралы дайын ақпарат тыңдау үшін емес, өз көз­қа­растарын білдіру, пікір алмасу және студент ре­тін­де қоршаған ортаға қандай үлес қоса алатынын талқылау үшін дөңгелек үстелге жиналды.

Студенттер талқылауға арналған тақырыптар: «Уни­верситет және экология» деп аталды. Университет кампусында студенттер мен қызметкерлер күн сайын тонналаған қағаз, пластик және басқа да қалдықтарды шығарады. Біздің университет ішінде экологиялық мәдениетті жақсарту үшін дәл қазір не өзгертуге болады? «Пластик мәселесі»: ХХІ ғасырдың басты дерті – пластик. Бүгінгі студенттік прагматизм тұрғысынан бір рет қолданылатын пластиктен толықтай бас тарту мүмкін бе, әлде бұл тек іс жүзіне аспайтын теориялық идея ма? «Күнделікті өмір»: Үлкен өзгерістер кі­ші­гірім қадамдардан бас­талады. Қазіргі заманауи студенттің бойында экологиялық мәдениетті қалыптастыратын күнде­лік­ті бес негізгі әдет қан­дай болуы тиіс? «Эко-университет»: Егер сіз университет басшысы, яғни ректор болсаңыз, оқу орнын экологиялық тұрғыдан жақсарту және «жасыл кампусқа» айналдыру үшін ең алғашқы қандай үш стратегиялық өзгеріс енгізер едіңіз? Экологиялық мәдениет адамға не үшін қажет? Экология мәселесі тек мемлекеттің міндеті ме? Бір адамның әрекеті қоршаған ортаға шынымен әсер ете ала ма? Студенттің экологияға қандай қатысы бар? Экология мәселесін шешудің қандай жолдарын ұсынасыз? Пластиктен толық бас тарту мүмкіндігі қандай? Экологиялық мә­дениет – адамның тәр­бие­сінің көрсеткіші бола ала ма? Қоқысты сұрыптау Қазақстанда қаншалықты өзекті? Қандай жолдарын ұсынасыз?» деген сұрақтарға жауап іздей отырып өз ойларын ортаға салды. Соңында студенттер «Менің эко-уәдем» қандай?

• Қоқысты жерге таста­мауға уәде беремін.

• Қалдықтарды мүмкін­ді­гінше сұрыптап, қайта өңдеуге тапсырамын.

• Бір рет қолданылатын пакеттерді азайтып, көп рет қолданылатын сөмке пайдаланамын.

• Суды ысырап етпеуге уәде беремін.

• Электр энергиясын үнем­деймін.

• Ағаштарды қорғап, көгалдандыруға үлес қосамын.

• Қысқа қашықтықта көліктің орнына жаяу жүруге тырысамын.

 Бір рет қолданылатын пластикті азайтамын.

• Табиғат аясында дем­­­­­алғаннан кейін өз қо­­қысымды міндетті түрде жинаймын.

• Батареялар мен элек­трондық қалдықтарды арнайы жинау орындарына тапсырамын және т.б. уәделермен тарқады. 

«Бір адам – бір экоәдет – үлкен өзгеріс!» Эко-уә­делер бере отырып, ер­теңгі таза болашақты» және «Таза Қазақстанды өз ауламнан бастаймын» қағидатын қалыптастыру сөзсіз маңызды. Ауқымды диалогымыз, қызу пікір­та­­ластар мен ортаға са­­лын­ған креативті идеялар өз мәресіне қызықты жетті. 

Бас­қосуда кафед­ра меңгерушісінің оқу-әдіс­те­мелік және тәрбие ісі жөніндегі орынбаса­ры Жа­­нар Шортанбаева ай­ту­лы іс-шара тақырыбына өзекті пікір білдірді. 

Мәнсия ӘСЕМБАЕВА, 

доцент, ф.-м.ғ.к.

Гүлжан ИЛЬЯСОВА, 

Жылуфизика және техникалық физика кафедрасының оқытушысы