Әл-Фараби атындағы Қазақ ұлттық университетінің Шығыстану факультетінде «Гендерлік зорлық-зомбылыққа қарсы 16 күндік белсенді іс-қимыл» тақырыбында кураторлық сағат өтті

Іс-шараны әл-Фараби атындағы ҚазҰУ Шығыстану факультеті Түркітану және Шығыс елдерінің тарихы кафедрасының бірінші курс куратор-эдвайзері Дулаева Эльнара Зильпикаровна өткізді.

Кураторлық сағат барысында студенттер жыл сайын 25 қараша мен 10 желтоқсан аралығында өтетін «Гендерлік зорлық-зомбылыққа қарсы 16 күндік белсенді іс-қимыл» халықаралық науқанының негізгі мақсаттарымен танысты. Зорлық-зомбылықтың әртүрлілігі, жеке қауіпсіздік, адам қадір-қасиеті мен жеке шекараны құрметтеу мәселелері қарастырылды.

Студенттермен ашық пікір алмасуға ерекше назар аударылды. Қатысушылар зорлық-зомбылыққа тап болған адамдардың неліктен болған жағдай туралы айтуға немесе көмек сұрауға қиналатынын талқылап, өзара қолдау, құрмет пен айналадағы адамдардың бейжай қалмауының маңыздылығы туралы пікірлерімен бөлісті.

Осындай кураторлық сағаттар студенттердің әлеуметтік жауапкершілігін арттыруға, өзара құрмет мәдениетін қалыптастыруға, әр адамның құқығы мен қадір-қасиетіне саналы көзқарасты нығайтуға және қауіпсіз білім беру ортасын дамытуға ықпал етеді.