Жоғары оқу орнына дейінгі білім беру факультеті шетелдіктердің тілдік және жалпы білім беру дайындығы кафедрасының куратор-эдвайзерлері шетелдік студенттерді еліміздің маңызды күндерімен үнемі таныстырып отырады. Республика Күні қарсаңында оқытушылар А.Қ. Ахмедова, М.П. Ешимов, Е.Р. Игнатова, А.С. Қазмағамбетова, Л.Қ. Мамытбекова, Д.С. Толмачёва қалыптасқан дәстүр бойынша ашық кураторлық сағат өткізіп, онда басты ұлттық мерекенің тарихы туралы әңгімеледі. Іс-шара барысында шетелдік тыңдаушылар 1990 жылғы 25 қазандағы Қазақстанның тәуелсіздігін қалыптастыру үдерісіндегі күннің маңыздылығы туралы білді. Оқытушылар дайындаған презентация белгіленген тақырып бойынша материалды айқын көрсетті. Шетелдік білім алушылардың еліміздің тарихы мен мәдениетіне қатысты ақпаратты дәстүрлі түрде үлкен қызығушылықпен қабылдайтынын атап өту қажет.
Басқа жаңалықтар
