Бірлік, жауапкершілік және студенттік мәдениет

Университетте студенттердің бойында адамгершілік құндылықтарды қалыптастыру, өзара сыйластықты нығайту және жауапкершілік мәдениетін дамыту мақсатында «Бірлік, жауапкершілік және студенттік мәдениет» тақырыбында кураторлық сағат өткізілді.

Іс-шара барысында студенттік ортадағы бірліктің маңызы, жеке жауапкершілік және университет мәдениетін сақтау мәселелері талқыланды. Кураторлық сағаттың негізгі мақсаты - студенттерге өзара құрметтің, ынтымақтастықтың және академиялық адалдықтың маңызын түсіндіру, сондай-ақ олардың қоғамдық ортадағы жауапкершілігін арттыру.

Кездесу барысында бірлік ортақ мақсатқа жетудің маңызды шарты екені атап өтілді. Студенттердің бір-біріне көмектесуі, өзара сенім мен сыйластықты сақтауы, әр адамның пікірін құрметтеуі топтағы жағымды қарым-қатынастың негізі ретінде қарастырылды.

Сонымен қатар жауапкершілік тақырыбына ерекше назар аударылды. Уақытты тиімді пайдалану, берілген тапсырманы уақытында орындау, өз әрекетінің нәтижесіне жауап беру және жіберілген қателіктерді мойындап, түзете білу сияқты қасиеттердің студенттік өмірдегі маңызы түсіндірілді.

Кураторлық сағаттың келесі бөлігінде студенттік және цифрлық мәдениет мәселелері сөз болды. Әдепті сөйлеу, оқытушылар мен қатарластарды құрметтеу, академиялық адалдықты сақтау, университет мүлкіне ұқыпты қарау және қоғамдық тәртіпті сақтау қажеттігі айтылды. Әлеуметтік желілерде әдеп сақтау, өзгені қорламау, жеке хаттар мен суреттерді рұқсатсыз таратпау және ақпаратты бөліспес бұрын оның шынайылығын тексеру мәселелері де талқыланды.

Іс-шара барысында студенттерге топтық жоба кезінде бір студенттің өз міндетін орындамауына байланысты туындайтын жағдай ұсынылды. Осы жағдаят негізінде топ мүшелерінің жауапкершілігі, өзара көмек көрсету және ортақ мәселені бірлесе шешу жолдары қарастырылды.

Кураторлық сағат соңында бірлік, жауапкершілік және мәдениет бір-бірімен тығыз байланысты құндылықтар екені қорытындыланды. Әрбір студенттің әрекеті топтың ахуалына әсер ететіні, сондықтан сыйластықты сақтау, міндеттерді адал орындау және бір-біріне қолдау көрсету баршаға ортақ міндет екені атап өтілді.

Кураторлық сағат студенттердің тұлғалық дамуына, өзара қарым-қатынас мәдениетін жетілдіруге және университеттегі жағымды әлеуметтік ортаны қалыптастыруға бағытталды. Мұндай тәрбиелік іс-шаралар жастардың бойында жауапкершілік, адамгершілік, өзара құрмет және қоғамдық мәдениет құндылықтарын нығайтуға ықпал етеді.

аға оқытушы Кутпанбаева Ж.Б.