Әл-Фараби атындағы ҚазҰУ-да Экономикалық тергеп-тексеру департаментінің өкілдерімен маңызды кездесу өтті

11 қараша күні Әл-Фараби атындағы Қазақ Ұлттық Университетінде ҚР Қаржылық мониторинг агенттігінің Алматы қаласы бойынша Экономикалық тергеп-тексеру департаментінің басшысы, генерал-майор Нұржан Нығметұлы Исмагуловпен алқалы жиын ұйымдастырылды.

Аталмыш шараға кеден, қаржы және экологиялық құқық кафедрасының профессор-оқытушылары мен білім алушы жастары арнайы қатысып, белсенділік танытты.

Кездесу барысында спикерлер келесідей негізгі мәселелерді ортаға салды:

• Нұржан Нығметұлы Исмагулов қаржылық қауіпсіздікті қамтамасыз етудің өзекті бағыттарын саралап, бұл саладағы жас мамандардың стратегиялық маңызына тоқталды.

• Абылай Сейілұлы Мирзаханов (Ұйымдастыру-бақылау басқармасының басшысы) департаментке жұмысқа қабылдау шарттарын түсіндіріп, микробіліктілік бағдарламаларының артықшылықтарымен бөлісті.

• Қуаныш Талғатұлы Түрікбен (департамент тергеушісі, факультет түлегі) өзінің еңбек жолын қалай бастағаны туралы тәжірибесін айтып, студенттерге бағыт-бағдар берді.

Жиын ашық диалог форматында өтіп, студенттер өндірістік тәжірибеден өту және болашақта қызметке орналасу төңірегіндегі сұрақтарына нақты жауаптар алды.