Кандидаттар, сапқа түзел!
Қазақстан Республикасы Қорғаныс Министр генерал-полковнигі Сәкен Жасұзақовтың тапсырмасын орындау мақсатында, әл-Фараби атындағы Қазақ ұлттық университетінің әскери кафедрасында студент-түлектерге Қазақстан Республикасы Қарулы Күштеріне кандидаттарды алдын ала іріктеу және әскери қызметтерін өткеру ережелері жөнінде үгіт-насихат жұмыстарының аптасы өткізілді.
Үгіт-насихат шарасы барысында ҚР ҚК Құрлық әскерлері мен ҚР ҚК Әуе қорғаныс күштері басшылығының өкілдері дәріс оқып, Қарулы Күштердің жауынгерлік даярлығы жайында бейнефильмдер көрсетті, сондай-ақ, студенттердің сан түрлі сұрақтарына жауап берді. Әскери кафедраның әскери заңгерлер циклының оқытушылары студенттерге әскери қызметтегілер мен олардың отбасы мүшелеріне мемлекет тарапынан көрсетілетін әлеуметтік пакеттің артықшылығы жөнінде түсіндірді.
Шараға әл-Фараби атындағы ҚазҰУ әскери кафедрасының екінші оқу жылындағы 545 студент қатысты.
Үгіт-насихат жұмысын қорыта келе, 100 аса студенттер баянат жазып, Қазақстан Республикасы Қарулы Күштерінде офицерлік лауазымда қызмет етуге тілек білдірді.
ҚазҰУ әскери кафедрасының бастығы,
полковник Олег Әжімов
Басқа жаңалықтар
