"France24" арнасының үздігі дәріс берді

Журналистика факультетінде "France24" арнасының тележүргізушісі,  Антуан Кормеридің дәрісі болып өтті. Антуан  Кормери телерепортаж  саласының үздігі, өзіндік стилі қалыптасқан сарапшы болып табылады.  ҚазҰУ-ға алғашқы іссапары барысында журналист материал дайындаудағы командалық үдерістің маңыздылығын белгілеп, ТВ журналистиканың  алтын ережелері жөнінде баяндады. Сондай-ақ, сарапшы ақпарат беруде  түрлі көзқарас таныту тәсілдеріне тоқталды.

Дәріс негізінде студенттер мен оқытушылар тележурналистпен кері байланысқа түсу мүмкіндігіне ие болды. Антуан  залда туындаған қызықты сұрақтарға жауап беріп, өскелең ұрпаққа түсірілген материалды мобильді монтаждау тәсілі мен француз БАҚ-тарындағы  ақпарат беру әдісін түсіндірді.

Бүгінгі күні Антуан Кормери  Sciences Po-ға  (Саяси зерттеу институты) қарасты журналистика мектебінде сабақ береді. Сонымен қатар, түрлі халықаралық БАҚ-да  (« Мали», «Тунис», « NESSMA ТВ», «2M Марокко» , «Кот-д’Ивуар» ұлттық телеарналары, «Алжир», «Ливан», «RTBF» ұлттық радиолары) оқу-білім курсын оқытады.