ҚазҰУ магистранттары 500 мың теңге ұтып алды

 «Болашақ энергиясы» номинациясы бойынша жас ғалымдарға арналған «Жастар Innovation» байқауында әл-Фараби атындағы Қазақ ұлттық университеті базасында жүзеге асырылатын Колумбия университетінің (АҚШ) MDP және «Тұрақты даму» MDP магистратурасының бірлескен бағдарламасы бойынша оқитын студенттер 500 000 теңге ұтып алды.

Байқау Алматы қаласының жастар саясаты жөніндегі басқармасының қолдауымен жүргізілді.

Байқау номинациясы бойынша үздік деп танылған ҚазҰУ студенттер жобасы, аз қаражатпен ғимаратты жарықтандыру мәселесін жаңашыл және инновациялық тұрғыда шешу жолын ұсынған. Жас ғалымдар кейбір өсімдіктердің генетикасын өзгеру арқылы олардың түнде жарық беру қабылетін  арттыруға болады деген. Тропикалық аймақтарда күндіз күн қуатын жинап түнде жарық беретін өсімдіктер  бар.

 ҚазҰУ студенттері Қазақстанның жағдайында жарық алу үшін күн сәулесін шығаратын қасиеті бар жасыл өсімдіктер мен жергілікті өсімдіктерді будандастыруды ұсынды. Бұл жоба MDP бағдарламасының оқу процесі аясында кейістік форматындағы тәжірибелік және семинарлық дәрістер бөлігі ретінде даярланды.

«Тұрақты даму» бағдарламасы жаһандық ортаны оқыту қағидаларына сәйкес қол қойылған келісім негізінде магистранттарға халықаралық серіктес-университеттердің жобаларына қатысуға мүмкіндік береді. Қазақ ұлттық университетінде жыл сайын 150-ден аса шетелдік белгілі ғалымдар авторлық лекцияларын оқып, кеңестер беріп, ғылыми тәжірибемен алмасуда.