«Қазақстан Республикасы Тәуелсіздігінің 25 жылдығы» дәрістер цикліне 1000-нан аса студент қатысты

 Әл-Фараби атындағы ҚазҰУ-дың әскери кафедрасы Тұңғыш Президент күні мен Қазақстан Республикасының Тәуелсіздігінің 25 жылдығына орай қазақстандық қоғам мен Қарулы Күштердің жетістіктерін насихаттауға бағытталған іс-шаралар өткізді.

21 мен 28 қараша аралығында ҚазҰУ әскери кафедрасының оқытушы-профессорлық құрамы 1- курс студенттеріне «Қазақстан Республикасы Тәуелсіздігінің 25 жылдығы» тақырыбында дәрістер циклін жүргізді. Тәжірибелі офицерлер Қазақстан мемлекетінің қалыптасу кезеңдері, Ел көшбасшысы Н.Ә.Назарбаевтың,Тұңғыш Президенттің аса көрнекті рөлі, Қазақстан Республикасындағы жоғары оқу орындарының үздігі әл-Фараби атындағы ҚазҰУ жетістіктері жөнінде әңгімеледі. Дәрістер цикліне 1000-нан аса студент қатысты.

ҚазҰУ әскери кафедрасының басшылығы Алматы қаласының мектептері мен гимназияларының оқушыларына арнап ашық есік күнін ұйымдастырды, онда балаларға оқу-материалдық базасы көрсетіліп, Қазақстан және Қазақстан Қарулы Күштері жайлы ақпараттық дәріс оқылды. Әскери кафедра полковнигі Олег Ажимов, полковник Бекболат Иханбаев, подполковник Құдратилла Сүйіндіков Сағдат Нұрмағамбетов пен Бауыржан Момышұлы атындағы аудиторияларда, әскери-патриоттық жұмыс бөлмелерінде оқушыларға халық қаһармандарының және Қазақстан халқының мемлекет Тәуелсіздігінің қалыптасуында қосқан үлесі жайлы баяндады.

Аталмыш шаралар студенттер мен оқушылардың бойында Отаны үшін мақтаныш сезімі мен Қазақстан Республикасының азаматтарының патриоттық азаматтық позициясының қалыптасуына ықпалын тигізеді.

ҚазҰУ әскери кафедрасының

ақпараттық жүйе бөлім бастығының орынбасары

Айдын Нұрланов