ҚазҰУ-дың карта сызушылары Алматы қаласының 3D атласын шығармақ

ҚазҰУ-дың карта сызушылары Алматы қаласының 3D атласын шығармақ

Бұл туралы ҚазҰУ-ға Сорбонна Париж-Сите және Париж-Дидро университеттерінен делегацияның келуі барысында белгілі болды.

«ҚазҰУ географтары мен карта сызушылардың бірлескен жобасы ХХІ ғасыр талаптарына сәйкес қала тұрғындары мен қонақтары үшін 3D карта құруға мүмкіндік береді. Мұнда Алматы туралы толық ақпарат, яғни оның инфрақұрылымы мен жетістіктері жайлы көрсетіледі. 3D атлас қаланың барлық ұйымдары мен мемлекеттік мекемелерінде таратылады»,- дейді Орталық Азияның француз зетттеу институтының аймақтық директоры Катрин Пужоль.

«Университетіміз Әлеуметтік маңызы зор ауқымды инновациялық жобаларды қолдап отыр. ҚазҰУ-да бағдарламаны іске асыру үшін қажетті ресурстардың бәрі бар»,- деп атап өтті Ғалым Мұтанов.

Кездесу барысында Сорбонна Париж-Сите Университетінің халықаралық қатынастар директоры Себастьен Велю ҚазҰУ-дың жетістіктерін және білім беру, ғылыми-зерттеу қабілетін жоғары бағалады.

Тараптар ынтымақтастықты дамытуға және қосдипломдық білім беру бағдарламасын жетілдіруге, бірлесіп ғылыми-зерттеу жұмыстарын жүргізуге, студенттер мен оқытушылар арасында академиялық ұтқырлық бойынша Франция университеттерімен байланысты кеңейтуге өзара келісімге келді. Сонымен қатар, ынтымақтастық жөнінде шартқа отыруға уәделесті.