Тәлімгерлердің Тәуелсіздікке тартуы

ҚазҰУ-да Қазақстан Республикасы Тәуелсіздігінің 25 жылдығына орай университет «Парасат» кәсіподағының ұйымдастыруымен оқытушылар арасында болған байқаудың ақтық сыны өтті.

Өзін-өзі жетілдіру мен шығармашылық ізденісті желеу еткен шараға 15 факультет пен университет қызметкерлері ат салысты. Қатысушылар тәуелсіздікке жыр арнап, Отанға деген сүйіспеншілігін әнмен әрледі. Сонымен қатар, күмбірлетіп күй шертіп, қазақтың халық әндерін қоңыр қобызға салып орындап, көрерменге рухани ләззат сыйлады.

«Парасат» кәсіподағы директоры Талғат Мекебаев өнегелі ұстаздар өнерін ортаға салған шараның маңыздылығын атап өтті. «Мұндай шаралар ұжымның басын біріктіріп, ауызбіршілікті арттырады» дейді ол және «ҚазҰУ-дың қарыштап өрлеуі, Қазақстанның дамуы сіздердей тәлімгерлердің қажырлы еңбектері. Өйткені, сіздер, ел үшін қажетті маман дайындап жатырсыздар» деп оқытушылар еңбегін жоғары бағалады.

Концерт соңында белсенділік танытқан барлық қатысушыларға алғыс білдіріп, марапаттады.

Байқау жеңімпаздарының еңбектеріне жеміс, шығармашылықта жеңіс тілеп, шын жүректен құттықтаймыз!

1. Аққоев Жұмабек (Қауіпсіздік және жедел әрекет ету орталығы) – «Тәуелсіздік» әні
2. Черикбаева Ляйля (кафедра Информатики, факультет механико-математики) – «Қазақ елі» әні
3. Бердіхан Қазырет (физика-техникалық факультеті) – «ҚР Тәуелсіздігінің 25 жылдығына Арнау»
4. Нұрманова Маржан (факультет журналистики) – «Саржайлау» әні
5. Карлыпов Дінмұхамед (департамен производства) – «Нурикамал» әні
6. Нелидов Сергей Николаевич (факультет географии и природопользования) – «Есть только миг» песня
7. Қуатбаев Асхат Тезекбаевич (факультет биологии и биотехнологии) – «Мереке» әні
8. Абенов Болат (кафедра «Ақпарат жүйесі», факультет механико-математики) – «Қара кесек» әні домбрамен
9. Асипова Жанна (факультет географии и природопользования) – «Ақ көгершін» әні
10. Кенжеғалиева Айнұр (АРТ-орталығының жетекші маманы) – «Қазақ әндерінен Попурри» қобызда
11. Орынбаева Айжан Сансызбаевна (институт информационных технологии и инновационного развития) – «Менің Қазағым» әні
12. Самбетова Асель Болатовна, Абдулаева Перизат Тураровна, Жумабекова Қырмызы Бақытқалиевна (факультет философии и политологии) – латино-американский танец «ЛЕГО»
13. Меркибаев Тулеген (факультет филологии и мировых языков) и Айниязова Алтын (ведущий специалист АРТ-центра) – песня «Time soy goodbye»
14. Бисенбаев Аманжол, Ахметжанов Дастан, Ешимов Мұхтар, Саламатов Шыңғыс (факультет довузовского образования) – «Туған ел» әні
15. Болгов Александр Тимофеевич (военная кафедра) – «Атамекен» әні