2017 жылғы қаңтар айының 27-жұлдызы күні 5В091000-«Кітапхана ісі» мамандығы студенттерімен Дінмұхамед Ахметұлы Қонаевтың 105 жасқа толуына орай «Дәуір данасы» атты еске алу кеші болып өтті.
Еске алу кешінің мақсаты: Халық қомқоршысы - Дінмұхамед Ахметұлы Қонаевтың қазақ халқы үшін істеген игі жақсылықтарын, жанашырлығын, оның еңбек жолын, шығармашылығын, бойындағы адамгершілік қасиеттерін көпшілікке дәріптеу. Кеш барысында кітапхана ісі мамандығының студенттері
Д.А. Қонаев жайлы баяндамалар оқып, қанатты сөздері мен өлеңдерін кемеріне келтіріп орындады. Мемлекет және қоғам қайраткерін қарапайым халық қаншалықты деңгейде білетінін анықтау мақсатында түсірілген видео-сауалнама да көпшіліктің назарына ұсынылды. Бұл кеште студенттер Д.А. Қонаевтың адами болмысы, саясаткерлігі, ел үшін, халық үшін жасаған қамқорлығы мен жазған шығармалары және даналық сөздері жайлы көптеген мәліметтер алды. Ұйымдастырушылар:Дүние жүзі тарихы, тарихнама және деректану кафедрасының т.ғ.к., аға оқытушысы Асанова Б.С., аға оқытушы Раймбекова М.Т.
Басқа жаңалықтар
