«Журналистика барлығы үшін: дәстүрлер, үрдістер мен таяу болашағы»

2017 жылдың 24 ақпанында әл-Фараби атындағы Қазақ ұлттық университетінің журналистика факультетінде дәстүрлі «Барманқұлов оқулары» аясында ғалым, ұстаз М.К.Барманқұловтың туғанына 80 жыл толуына орай «Журналистика барлығы үшін: дәстүрлер, үрдістер мен таяу болашағы» атты халықаралық ғылыми-практикалық конференция өтеді.

Конференцияда талқыланатын мәселелер:

1. Қазақ журналистикасындағы дәстүр мен жаңашылдық;
2. Дәстүрлі және конвергентті журналистикадағы трендтер мен технологиялар; 
3. Сапалы журналистиканың болашағы мен цифрлық дәуір үндеулері;
4. БАҚ мамандарын дайындау мәселелері: Білім. Ғылым. Өндіріс үштағаны;
5. Профессор М.К.Барманқұловтың мұрасы, ғылыми зерттеулері мен шығармашылығы. 

Халықаралық ғылыми-практикалық конференцияға бұқаралық коммуникация саласын зерттеуші ғалымдар, қазақстандық электронды БАҚ өкілдері, журналистика факультетінің студенттері, магистранттары мен докторанттары қатысады.

Барманқұлов оқулары аясында дәстүрлі студенттер мен жас ғалымдардың ғылыми ізденісін арттыруға, телерадиожурналистика бағытындағы шығармашылық ойлары мен жаңаша идеяларын жүзеге асыруға ықпал ету мақсатында байқау ұйымдастырылды. Үздік жұмыстар арнайы сыйлықтармен марапатталады.

Қосымша ақпарат: 

Марат Кәрібайұлы Барманқұлов (1937-2000) – әл-Фараби атындағы Қазақ ұлттық университетінде 35 жылдан астам қызмет етті. 1965 жыл ассистенттіктен бастап, филология ғылымдарының докторы, профессор, журналистика факультетінің деканы қызметіттерін атқарды. 1991 жылы республикалық «Казахстанская правда» газетінің редактор орынбасары қызметін атқарды. М.К. Барманқұлов тележурналистика ғылыми мектебінің негізін қалаған ұстаз, ғалым. Марат Кәрібайұлы авторлығымен жарияланған «Репортаж на радио и ТВ» (1970 ж.) және «Весь мир у вас в квартире» (1972 ж.), «Журналистика для всех» кітаптары журналистер мен студенттерге арналған құнды мұралар.

Өтетін орны: Қазақстан Республикасы, Алматы қ, әл-Фараби 71, әл-Фараби атындағы ҚазҰУ, Баспасөз және электронды БАҚ кафедрасы

№ 230 Т.Қожакеев атындағы акты залы

Өтетін уақыты: 24 ақпан 2017 жыл, сағат 10.00

Қосымша сұрақтар бойынша байланысу үшін: 8727 2211351, 8727 2211346